Rasija admoviłasia ad mižnarodnaha ŭdziełu i mižnarodnych pravił u rasśledavańni katastrofy samalota Pryhožyna
Miždziaržaŭny avijacyjny kamitet (MAK) zajaviŭ, što ŭ ciapierašni momant nie źbirajecca rasśledavać krušeńnie samalota Embraer Jaŭhiena Pryhožyna pavodle mižnarodnych pravił, piša «Mieduza».
Brazilski centr vyvučeńnia i praduchileńnia avijacyjnych zdareńniaŭ (CENIPA ) i kampanija Embraer paviedamili, što hatovyja ŭziać udzieł u rasśledavańni pryčyn krušeńnia samalota Pryhožyna, kali atrymajuć adpaviednaje zaprašeńnie ad MAK i kali rasśledavańnie budzie pravodzicca pavodle mižnarodnych pravił.
Adnak u MAK, piša Reuters sa spasyłkaj na brazilskija ŚMI, adkazali, što nie buduć pravodzić rasśledavańnie pavodle mižnarodnych pravił. Samalot, jaki raźbiŭsia, vykonvaŭ unutrany rejs, tamu rasśledavańnie adnosicca da kampietencyi Miždziaržaŭnaha avijacyjnaha kamiteta i budzie pravodzicca pavodle jaho pravił.
Heta, jak adznačaje ahienctva, adpaviadaje praviłam Mižnarodnaj arhanizacyi hramadzianskaj avijacyi (ICAO), pavodle jakich rejs samalota Pryhožyna ličycca ŭnutranym i rasśledujuć pryčyny jaho krušeńnia miascovyja avijaŭłady.
Pry hetym, piša Reuters, zachodnija ekśpierty adznačajuć, što rasśledavańnie biez udziełu brazilskaha boku chutčej za ŭsio vykliča sumnievy ŭ jaho abjektyŭnaści z ulikam taho, što isnujuć padazreńni ŭ datyčnaści ŭładaŭ Rasii da krušeńnia samalota.
Samalot Jaŭhiena Pryhožyna Embraer Legacy 600, vyrableny brazilskaj kampanijaj Embraer, raźbiŭsia ŭviečary 23 žniŭnia ŭ Ćviarskoj vobłaści. Pryhožyn i jašče dzieviać čałaviek, jakija znachodzilisia na borcie, 27 žniŭnia byli aficyjna abjaŭleny zahinułymi.
Śledčy kamitet Rasii zavioŭ kryminalnuju spravu ab parušeńni pravił biaśpieki ruchu i ekspłuatacyi pavietranaha transpartu. Adnak najbolš raspaŭsiudžanaj nieaficyjnaj viersijaj krušeńnia samalota staŭ vybuch na borcie ci praca SPA.
Miždziaržaŭny avijacyjny kamitet byŭ stvorany ŭ 1991 hodzie paśla raspadu SSSR, tady pahadnieńnie ab jaho rabocie padpisali 12 krain. Stanam na žnivień 2023 hoda ŭ MAK uvachodziać Azierbajdžan, Armienija, Biełaruś, Kazachstan, Kyrhyzstan, Rasija, Tadžykistan, Turkmienistan i Uźbiekistan.
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska1
Kamientary
Achchachacha