Premjerka Litvy paabiacała nie zakryvać dvuch novych pierachodaŭ na miažy ź Biełaruśsiu
Pastanovy ŭrada zakryć novyja pamiežnyja punkty ź Biełaruśsiu najbližejšym časam nie budzie, ale płany zrabić heta bieź źnižeńnia pahroz zachoŭvajucca, skazała Inhryda Šymanicie ŭ intervju LRT.
«Najbližejšym časam sapraŭdy nie budzie rašeńniaŭ ab zakryćci niejkich dadatkovych pastoŭ, ale jość vielmi łahičny płan, jaki ŭstanaŭlivaje, što kolkaść pastoŭ, praź jakija možna pierasiekčy litoŭska-biełaruskuju miažu, moža być skaročana, z čaho pačynać i dzie zakančvać, da krajniaha zakryćcia, jakoje ŭžo budzie adbyvacca na ŭzhadnieńnie ź inšymi krainami», — skazała premjerka.
Litva na pazaminułym tydni zakryła dva z šaści punktaŭ propusku ź Biełaruśsiu — Šumsk i Ćvierač, a ministarka ŭnutranych spraŭ Ahnie Biłatajte ŭ paniadziełak paviedamiła, što ministerstva prapanuje zakryć jašče dva: Łavaryški i Rajhard.
My nastojvajem na tym, kab pasažyrski ruch pamiž našymi krainami nie spyniaŭsia tak doŭha, nakolki heta mahčyma — Franak Viačorka
Litva nazvała jašče pierachody, jakija mohuć zakryć, i dva krytery, pa jakich całkam zakryjuć miažu ES ź Biełaruśsiu
MUS Litvy aceńvaje mahčymaści zakryćcia novych pamiežnych pierachodaŭ na miažy ź Biełaruśsiu
Cichanoŭski raskazaŭ, što treba było rabić u žniŭni 2020-ha63
Kamientary