U Vialikabrytanii asudzili padletka z aŭtyzmam: jon uzłamaŭ Rockstar Games, što pryviało da najvialikšaj u historyi ŭciečki budučaj GTA VI
Dla takoha maštabnaha ŭzłomu padletku spatrebilisia tolki smartfon, kłavijatura i myš.
Łondanski sud pryznaŭ vinavatym 18-hadovaha Aryjona Kurtaja z Oksfarda ŭ chakierskich atakach na kampaniju Rockstar Games i inšych bujnych IT-hulcoŭ. Chłopiec byŭ udzielnikam mižnarodnaj kibierzłačynnaj hrupoŭki LAPSU$, adkaznaj u tym liku za ŭzłom takich kampanij, jak Nvidia, Samsung i Microsoft. Sudovy praces ciahnuŭsia siem tydniaŭ, paśla čaho prysiažnyja vyrašyli, što Kurtaj sapraŭdy vinavaty, niahledziačy na najaŭnaść aŭtyzmu.
Pra hetu historyju niadaŭna raskazała ahienctva Bi-bi-si.
U 2022 hodzie Aryjon byŭ aryštavany pa abvinavačańni ŭ chakierstvie. Tady jon i jahony 17-hadovy siabra skrali amal 117 tysiač jeŭra ŭ niekalkich klijentaŭ Brytanskaj telekamunikacyjnaj kampanii JEJE, a ŭžo paśla vyzvaleńnia ŭzłamali kampaniju Nvidia, za što ich zatrymali iznoŭ.
Kurtaj paśla paŭtornaha aryštu žyŭ u hateli Travelodge, dzie za jaho vyzvaleńnie pavinny byli zapłacić zakład, a adnoj z umoŭ utrymańnia była zabarona na vychad u internet. Mienavita tady chłopiec, majučy tolki smartfon, kłavijaturu i myš (što było zabaroniena) i ŭzłamaŭ Rockstar Games. Razam z hetym jon ad niama čaho rabić uzłamaŭ kampanii Revolut i Uber.
«Aryjon pa ŭnutranaj suviazi dasłaŭ kožnamu supracoŭniku Rockstar Games paviedamleńnie z nastupnym tekstam: «Ja nie supracoŭnik Rockstar, ja chakier». Jon paviedamiŭ, što maje ŭsie danyja budučaj hulni Grand Theft Auto 6 i dadaŭ, što kali kiraŭnictva kampanii nie skantaktujecca ź im u Telegram ciaham 24 hadzin, jon pačnie publikavać zychodny kod hulni. Adnak u toj ža čas chłopiec pačaŭ publikavać 90 hiejmpłejnych videa GTA 6. U vyniku chłopcu paźniej uzmacnili režym utrymańnia i trymali pad vartaj da suda», — piša Bi-bi-si.
Viadučy prakuror pa spravie chłopca Kevin Bary raspavioŭ, što Kurtaj i jahony siabra nie mieli ŭstojlivych matyvaŭ, tamu rabili heta jak za hrošy, tak i dziela zabavy. Jany časta pakidali abraźlivyja kamientry i sprabavali šantažavać supracoŭnikaŭ kampanij-achviar.
Žurnalistam taksama viadomy toj fakt, što supolnik Aryjona znachodzicca pad zakładam, a sam chłopiec na sudovaje pasiedžańnie nie źjaviŭsia, bo maje dyjahnaz aŭtyzm i psichijatry paličyli jaho niazdolnym davać pakazańni. Inšyja siabry złačynnaj hrupoŭki LAPSU$ pakul nie zatrymanyja.
U amierykanskaj vajskovaj akademii West Point adčynili znojdzienuju ŭ pomniku Tadevušu Kaściušku «kapsułu času». Znojdzienaje ździviła
Film «Barbi» stanie samym kasavym u historyi Warner Bros, abahnaŭšy ŭsie častki «Hary Potera», «Chobita» i «Ciomnaha rycara»
«Zahipnatyzavanyja» ChatGPT i Bard mohuć pierakonvać karystalnikaŭ płacić ašukancam i prajazdžać na čyrvonaje śviatło
Ciapier čytajuć
Łukašenka niezadavoleny vice-premjerkaj Natallaj Piatkievič — «buksuje»19
Kamientary