U Miunchienie druhi raz adbudziecca Fiestyval sučasnaj biełaruskaj kultury Minsk x Minga
Fest adbudziecca ŭ Miunchienie z 8 da 10 vieraśnia i zaklikany słužyć umacavańniu suviaziaŭ pamiž Bavaryjaj i svabodnaj Biełaruśsiu.
Meta fiestyvalu — pradstavić Biełaruś i sučasnuju niezaležnuju biełaruskuju kulturu, pryciahnuć uvahu niamieckaj publiki da dramatyčnych padziejaŭ u sučasnaj Biełarusi i da supracivu biełaruskaha hramadstva palityčnamu teroru i dyktatury. Fest pradstaŭlaje placoŭku dla vybitnych biełaruskich tvorcaŭ, jakija byli vymušanyja pakinuć radzimu.
Taksama važnaja meta fiestyvalu — salidarnaść z Ukrainaj.
Sioleta fest adbudziecca ŭžo druhi raz.
U prahramie:
— kancerty lehiendy biełaruskaha roku Volski i etna-elektronnaha duetu Šuma,
— litaraturnaja impreza «Ci viedajecie Vy ziamlu pad biełymi kryłami? Biełaruś — litTERatuRA Incognita»,
— muzyčny monaśpiektakl «SarmaTY/Ja», jaki spałučaje chip-chop i biełaruskija narodnyja śpievy,
— batlejka, biełaruski lalečny teatr u vykanańni znakamitaha aktora i televiadoŭcy Alaksandra Ždanoviča (Malavanyča),
— śpieŭny, muzyčny i tancavalny varkšopy, pryśviečanyja biełaruskamu narodnamu mastactvu. Naviedniki zmohuć papraktykavacca ŭ biełaruskich narodnych śpievach, pasprabavać hrać na biełaruskaj dudzie i navučycca biełaruskim i niamieckim narodnym tancam.
Padrabiaźniej — u sacsietkach fiestyvalu: Instagram: Facebook:
Arhanizatar festu — Biełaruskaja supolnaść RAZAM e.V., najbujniejšaje abjadnańnie biełaruskaj dyjaspary ŭ Niamieččynie.
Partniorami fiestyvalu vystupajuć Bavarskaja dziaržaŭnaja kancylaryja, fundacyja Heintze Stiftung, Fundacyja imia Frydrycha Naŭmana (Friedrich-Naumann-Stiftung für Demokratie), Fundacyja imia Tomasa Delera (Thomas-Dehler-Stiftung), a taksama Rada Biełaruskaj Narodnaj Respubliki.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary