U Minsku pradajuć pamidory ŭsiaho pa 72 kapiejki za kiło. Jak jany mohuć stolki kaštavać?
Paŭhoda tamu prostaja harodnina dla sałaty kaštavała jak morapradukty. Ciapier ža my apynulisia na advarotnym polusie — na ceńniki treba znoŭ hladzieć dvojčy, ale ŭžo ź inšaj pryčyny, piša «Anłajnier».
U «Hipa» pabačyli pamidory, jakija kaštujuć usiaho 72 kapiejki za kiłahram. «I ŭsie dobraj jakaści», — padzialiŭsia fota na forumie «Anłajniera» čytač pad nikam ionboy.
U «Hipa» vydańniu paćvierdzili: sapraŭdy, była pastaŭka tamataŭ u sietku «pa vielmi dobraj canie» ad vytvorcy. Tamu i cana ŭrazdrob dla pakupnika atrymałasia vielmi dastupnaj.
U inšych sietkach taksama bačyli vielmi tannyja pamidory. Praŭda, hetym na fota treba jašče daśpieć.
Kali ž spažyŭca cikaviać nie takija prostyja pamidory, to ŭsio jašče jość sens pryhladacca da ceńnikaŭ. Jość, naprykład, pa 25 rubloŭ za kiłahram.
Na Kamaroŭcy siońnia harodniny za kapiejki pabačyć nie ŭdałosia, ale, miarkujučy pa Instagram-akaŭncie rynku, paru dzion tamu tam pradavali pamidory pa adnym rubli.
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii31
Kamientary