Prezident Uładzimir Zialenski pravioŭ sustreču z prezidentam Sierbii Alaksandram Vučyčam 22 žniŭnia ŭ Afinach, dzie prachodzić niefarmalny samit krain Zachodnich Bałkan.
«Adkrytaja, ščyraja, pradukcyjnaja razmova z prezidentam Sierbii Vučyčam. Dobraja razmova. Ab pavazie da Statuta AAN i nieparušnaści miežaŭ».
Taksama baki kazali pra budučyniu dvuch narodaŭ «u ahulnym jeŭrapiejskim domie», ab raźvićci adnosin, što jość «ahulnaj cikavaściu» abiedźviuch krain, piša «Ukrainskaja praŭda».
Dahetul adziny raz, kali prezidenty Sierbii i Ukrainy sustrakalisia razam, 1 červienia — tady Zialenski i Vučyč niadoŭha razmaŭlali sam-nasam na palach samitu Jeŭrapiejskaj palityčnaj supolnaści ŭ Kišyniovie.
Adnak 10 žniŭnia Vučyč zajaviŭ: «Kali Ukraina pryznaje niezaležnaść Kosava, to stracić usio ŭ adzin dzień».
Sierbija — adna ź niešmatlikich krain Jeŭropy, jakaja vystupaje ź niejtralnych pazicyj. Alaksandr Vučyč prama skardziŭsia na cisk z Brusiela paśla taho, jak jaho kraina nie dałučyłasia da sankcyj ES suprać Rasii. U toj ža čas prezident Sierbii niehatyŭna vykazvaŭsia ab udziele sierbskich hramadzian u vajnie na baku Rasii.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary