Miadźviedzieŭ zajaviŭ, što kapitulacyja Kijeva adkryje šlach da miru
Namieśnik staršyni Rady biaśpieki Rasii Dźmitryj Miadźviedzieŭ choča kapitulacyi ad Ukrainy, ale nie ŭpeŭnieny, što navat jana pryviała b da miru z Rasijaj.
Miadźviedzieŭ zajaviŭ, što «śviet čarhovy raz zdryhanuŭsia, daviedaŭšysia ab vydzialeńni dziasiatkaŭ niedarečnych miljardaŭ dalaraŭ dla zombi z krainy 404».
Na jaho dumku, kamikadze ŭ pałajučych zachodnich tankach hetych hrošaj nie ŭbačać, ale padtrymka ŭkrainskaha kontrnastupleńnia dapamoža ZŠA padtrymlivać «mif vialikaj ekanomiki dalara».
«Ludziam, jakija pakutujuć u akopach padzielenaj Ukrainy, nasamreč patrebnaja tolki kapitulacyja, jakaja, mahčyma, adkryła b šlach da miru. Ale miru nie chočuć ni ŭ Vašynhtonie, ni ŭ Kijevie. Amieryka choča niepadzielnaj ułady i dziela jaje nie škaduje kryvavaha ŭkrainskaha sała», — zaklučyŭ Miadźviedzieŭ.
Kamientary