«Uładzimir Zialenski i jahonyja prychilniki nie mohuć rasčaroŭvać Zachad, bo heta moža kaštavać im nie tolki pasad, ale i žyćcia». Eks-prezident Rasii napisaŭ u telehramie čarhovy dopis.
Jon piša, što Ukraina daŭno abiacała vialiki kontrnastup. «Nijakich niečakanaściaŭ, bo vybar u kijeŭskaha režymu adsutničaje. Treba nastupać. Treba apraŭdvać atrymanaje babło i zbroju. Rasčaravańnie haspadaroŭ moža kaštavać zialenskamu [Miadźviedzieŭ napisaŭ proźvišča lidara Ukrainy z małoj litary — NN] i Co nie tolki pasad, ale i samoha žyćcia».
Namieśnik staršyni Rady biaśpieki ŭpeŭnieny, što «dastatkova niekalkich daniasieńniaŭ ad amierykanskaj ahientury, jakaja daŭno ŭžo kamanduje ŭ SBU, i ŭsiu kakainavuju šobłu imhnienna śpišuć va ŭtyl».
Jon upeŭnieny, što na viecier puščanyja hrošy amierykanskich padatkapłatnikaŭ, tamu budzie adkaz.
«Pryčym zrobiać heta čužymi rukami, jak heta lubiać u Łenhli: addaduć zahad radykalnym admarozkam šlopnuć narkamana za zdradu Ridnij Ukrajini i spravie Bandery, a potym padviesić za nohi razam ź jaho prychvastniami, jak kaliści paviesili duče i jaho fašysckuju chuntu na płoščy Łareta ŭ Miłanie».
Tamu, miarkuje Miadźviedzieŭ, vychad u kijeŭskaha režymu adzin: «iści da kanca, adpraŭlajučy na pahibiel tysiačy admabilizavanych».
Ale, pieraścierahaje Miadźviedzieŭ, nie varta niedaaceńvać supiernika.
«Vorah i zachodni śviet, jaki jaho padtrymlivaje, hatovyja na ŭsio, kab ścierci našu krainu z tvaru ziamli. Tamu ciapier hałoŭnaje — maksimalna skancentravacca i dać hodny adkaz. U našaj armii istotnaja pieravaha i ŭ avijacyi, i ŭ braniatankavych siłach, i ŭ vysokadakładnaj zbroi. I viadoma, maralnaja pieravaha. Nam treba spynić voraha, a potym pačać nastup.
Jaho meta siońnia nie tolki ŭ vyzvaleńni našych ziamiel i abaronie našych ludziej. Jaho meta — poŭnaje zryńvańnie nacysckaha kijeŭskaha režymu, jaki akapaŭsia ŭ krainie 404», — reziumuje Dźmitryj Miadźviedzieŭ.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu4
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1818
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich18
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary