Miadźviedzieŭ raskazaŭ dzieciam, što ŭ Rasii «nie zdryhaniecca ruka» ŭžyć jadziernuju zbroju
Namieśnik staršyni Rady biaśpieki Rasii Dźmitryj Miadźviedzieŭ zajaviŭ, što ŭ Rasii ŭ vypadku nieabchodnaści «nie zdryhaniecca ruka» prymianić jadziernuju zbroju. Adnak, na dumku eks-prezidenta Rasii, pačatak novaha hłabalnaha vajennaha kanfliktu nie źjaŭlajecca niepaźbiežnym. Pra heta jon zajaviŭ, vystupajučy pierad dziećmi.
«Kali ŭ tvaich rukach jość niejkaja zbroja, a ja jak były prezident viedaju, što heta takoje, ty pavinien być hatovy ŭ peŭnaj situacyi da taho, što ŭ ciabie nie zdryhaniecca ruka jaje ŭžyć. Usie hetyja faktary nie varta niedaaceńvać našym patencyjnym sapiernikam. <…> Śviet chvory i, całkam vierahodna, jon znachodzicca na parozie novaj suśvietnaj vajny. Ci źjaŭlajecca jana niepaźbiežnaj? Nie, nie źjaŭlajecca», — paviedamiŭ Miadźviedzieŭ padčas marafonu «Viedy. Pieršyja», arhanizavanaha rasijskim hramadstvam «Viedy». Jon taksama ŭdakładniŭ, što ŭ śviecie raście vierahodnaść pačatku jadziernaha kanfliktu.
«Vas praŭda chvaluje klimat da takoj stupieni? Na moj pohlad, heta ništo ŭ paraŭnańni ź pierśpiektyvaj apynucca ŭ epicentry vybuchu z tempieraturaj u 5 tys. kielvinaŭ, udarnaj chvalaj u 350 mietraŭ u siekundu i ciskam u 3 tys. kh na mietr kvadratny, z pranikalnaj radyjacyjaj, to-bok, ianizujučym vypramieńvańniem i elektramahnitnym impulsam. Takaja pierśpiektyva jość siońnia? Na žal, tak», — skazaŭ eks-prezident.
Havoračy ab vajennym kanflikcie na Ukrainie Dźmitryj Miadźviedzieŭ adznačyŭ, što dziejańni Zachadu pa «napampoŭvańni» Kijeva ŭzbrajeńniami nabližajuć suśvietnuju vajnu. Na jaho dumku, u ahladnaj pierśpiektyvie «cichi raździeł» Ukrainy Polščaj i inšymi krainami «lepšy, čym ustupleńnie Ukrainy ŭ NATO abo suśvietnaja vajna».
«Kab nanieści maksimalnuju škodu». Dźmitryj Miadźviedzieŭ zaklikaŭ rasijan kraści zachodni kantent
Miadźviedzieŭ zajaviŭ, što Ukrainy «nie budzie na płaniecie»
Miadźviedzieŭ hatovy dajści da miežaŭ Polščy, kab «źniščyć nieanacyzm daščentu»
Ekśpiert patłumačyŭ mety radykalnych vykazvańniaŭ Dźmitryja Miadźviedzieva
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku12
Kamientary