Amierykanski Dziarždep uvioŭ sankcyi suprać 101 słužbovaj asoby režymu Łukašenki
U zaćvierdžany Dziaržaŭnym departamientam ZŠA sankcyjny śpis trapili siarod inšych «niekalkich sudździaŭ, adkaznych za vyniasieńnie palityčna matyvavanych prysudaŭ u dačynieńni da biełarusaŭ za realizacyju ich asnoŭnych svabod».
U zajavie Dziarždepu havorycca, što sankcyi nakładajucca «za padryŭ abo naniasieńnie škody demakratyčnym instytutam u Biełarusi».
Dziaržaŭny departamient ZŠA zaklikaŭ taksama da «nieadkładnaha i biezumoŭnaha vyzvaleńnia ŭsich 1500 palityčnych źniavolenych, jakija ŭtrymlivajucca režymam Łukašenki, uklučajučy Alesia Bialackaha, Viktara Babaryku, Maryju Kaleśnikavu, Ihara Łosika i Siarhieja Cichanoŭskaha».
Złučanyja Štaty, padkreślivaje Dziarždep, «buduć praciahvać padtrymlivać narod Biełarusi ŭ jaho imknieńni da demakratyčnaj budučyni ŭ svabodnaj Biełarusi, dzie vykonvajucca pravy čałavieka».
Ciapier čytajuć
Skandał u połackaj škole: maci śćviardžaje, što jaje syna źbili na treniroŭcy pa dziudo — tak chłopca «vychoŭvaŭ» trenier12
Kamientary