Vialikabrytanija siońnia dadała šeść pazicyj u sankcyjny śpis suprać Biełarusi
Adnosna hetych pradpryjemstvaŭ uviedziena zamarožvańnie aktyvaŭ.
Brytanija dadała šeść novych pazicyj u śpis sankcyj suprać Biełarusi. Pra heta piša «Lusterka» sa spasyłkaj na brytanskaje MZS.
Pad abmiežavańni trapili:
- chołdynh «BiełOMA»,
- AAT «Homielski radyjozavod»,
- AAT «Kidma tek»,
- Aršanski avijaramontny zavod,
- AAT «Pielenh»,
- AAT «2566 zavod pa ramoncie radyjoelektronnaha ŭzbrajeńnia».
Adnosna hetych pradpryjemstvaŭ uviedziena zamarožvańnie aktyvaŭ.
Pavodle brytanskaha MZS, sankcyi ŭviedzienyja suprać pradpryjemstvaŭ, jakija majuć stratehičnaje značeńnie dla Biełarusi, i suprać tych pradpryjemstvaŭ, jakija «datyčnyja abo byli datyčnyja da dziejańniaŭ, jakija destabilizujuć Ukrainu abo padryvajuć i pahražajuć terytaryjalnaj cełasnaści, suvierenitetu i niezaležnaści Ukrainy, u tym liku šlacham padtrymki abo sadziejničańnia Uzbrojenym siłam Rasii».
Admietna, što dva pradpryjemstvy — «Pielenh» i «Kidma tek» — užo byli ŭniesienyja ŭ sankcyjny śpis Brytanii ŭ 2021 hodzie z pryčyny mihracyjnaha kryzisu na miažy Biełarusi z krainami ES.
Papiaredni raz Brytanija abnaŭlała sankcyi suprać Biełarusi 8 lipienia. Toj pakiet praduhledžvaŭ zabaronu na impart zołata, cemientu, draŭniny i kaŭčuku ź Biełarusi i błakavańnie ekspartu ŭ Biełaruś z Brytanii banknot i mašyn, a taksama tavaraŭ, technałohij i materyjałaŭ, jakija mohuć być vykarystanyja dla vytvorčaści chimičnaj i bijałahičnaj zbroi.
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?32
Kamientary