Italija prypyniła dziejańnie prahramy vydačy viz biełarusam i rasijanam za inviestycyi
Ułady Italii prypynili dziejańnie prahramy vydačy tak zvanych «załatych» viz u abmien na inviestycyi dla rasijskich i biełaruskich hramadzian. Adpaviednaje rašeńnie apublikavana na sajcie Ministerstva spraŭ pradpryjemstvaŭ i pradukcyi «Zroblena ŭ Italii», piša TASS.
Prahrama Investor Visa for Italy była raspracavanaja i zapuščanaja ŭ śniežni 2017 hoda ŭładami Italii dla pryciahnieńnia stratehičnych inviestycyj z-za miažy. Zhodna z praviłami, hramadzianie krain, jakija nie ŭvachodziać u ES, jakija žadajuć inviestavać u stratehičnyja aktyvy dla raźvićcia italjanskaj ekanamičnaj sistemy, mahli padavać zajaŭku na atrymańnie śpiecyjalnaj vizy, jakaja dziejničaje na praciahu dvuch hadoŭ.
Adznačajecca, što viza siarod inšaha «moža być vydadzienaja za inviestycyi ŭ dziaržaŭnyja kaštoŭnyja papiery na sumu nie mienšuju za €2 młn, inviestycyi ŭ italjanskaje akcyjaniernaje tavarystva na sumu nie mienšuju za €500 tys.», a taksama za dabračynny ŭniosak u pamiery nie mienšym za €1 młn u halinie «kultury, adukacyi, kiravańnia imihracyjaj, navukovych daśledavańniaŭ abo zachavańnia kulturnaj i łandšaftnaj spadčyny».
Mikoła Buhaj: Treba pieraharnuć staronku 2020-ha i pačać žyć novymi realijami53
Kamientary