«Toj, chto zmahaŭsia dziesiacihodździami, razumieje, što heta było». Biełastockija biełarusy adznačyli treciuju hadavinu žniŭnia 2020-ha
U Biełastoku treciuju hadavinu prezidenckich vybaraŭ 2020 hoda miascovaja biełaruskaja dyjaspara adznačyła šeściem pa centralnych vulicach horada. Pačałosia jano z hałoŭnaha haradskoha placa, Rynku Kaściuški, a zaviaršyłasia mitynham la biełaruskaha konsulstva ŭ skviery Volnaj Biełarusi. Manifiestacyja sabrała pad dźvie sotni čałaviek.
Historyk i šmathadovy dziejač biełaruskaha ruchu ŭ Polščy Aleh Łatyšonak u hutarcy z «Našaj Nivaj» nazvaŭ padziei trochhadovaj daŭniny biełaruskaj lehiendaj, jakaja doŭha zastaniecca ŭ pamiaci. Biełaruskaja revalucyja nie zaviaršyłasia, kaža jon.
«Zaviaršeńniem budzie skidańnie režymu i kali Biełaruś stanie biełaruskaj. Ale hałoŭny krok zrobleny. Toj, chto zmahaŭsia dziesiacihodździami i chto bačyŭ ahramadnyja natoŭpy pad bieł-čyrvona-biełymi ściahami, razumieje, što heta było», — adznačyŭ Aleh Łatyšonak.
Jon sam prajšoŭ da biełaruskaha konsulstva ź biełaruskim ściaham na plačach i ŭkrainskim u rukach.
Padčas šeścia ŭdzielniki vyhukvali łozunhi biełaruskaha supracivu dyktatury Łukašenki. Było šmat nacyjanalnych ściahoŭ, bieł-čyrvona-biełaj simvoliki dy samarobnaj atrybutyki.
U kałonie išli ludzi roznaha vieku. Niekatoryja pryjšli na akcyju salidarnaści cełymi siemjami ź dziećmi. Praŭda, siońnia było tolki słaboje padabienstva da taho, što try hady tamu adbyvałasia ŭ Biełarusi, havoryć adzin z takich udzielnikaŭ.
«Tady my adčuvali nacyjanalny ŭzdym. 16 žniŭnia adnamomantna vyjšła na pratest da 1 miljona čałaviek. Naprykład, u maleńkim Čačersku vyjšła 400 čałaviek pad bieł-čyrvona-biełymi ściahami. Heta pakazvaje, jaki byŭ maštab padziei. Dla ŭłady heta byŭ vialiki siurpryz», — havoryć mužčyna.
Ułady Biełastoka na hadavinu pačatku biełaruskaj revalucyi vyviesili bieł-čyrvona-biełyja ściahi na budynku kancylaryi prezidenta Biełastoka, jaki znachodzicca niepadalok ad Rynku Kaściuški.
Na samoj akcyi salidarnaści vystupiŭ vice-prezident Biełastoka Rafał Rudnicki. Jon adznačyŭ, što ŭłady Polščy, jak i krainy Jeŭropy, salidarnyja z narodam Biełarusi, što svaboda krainy — najvažniejšaja kaštoŭnaść. Zhadaŭ jon i pra našych palitviaźniaŭ. Palityk vykazaŭ spadzieŭ, što Biełaruś nieŭzabavie stanie volnaj, a jaje hramadzianie buduć karystacca z usich pravoŭ, naturalnych u volnym śviecie.
Kala dypłamatyčnaha pradstaŭnictva hučali łozunhi «Žyvie Biełaruś», «Svabodu palitviaźniam», ihrała biełaruskaja muzyka pratestu.
«Naš hołas nie ścichaje navat za miažoj, kab nas nichto nie zabyŭ. Kali my razam, jość nadzieja, što my pieramožam», — pramaŭlali vystupoŭcy pad ścienami konsulstva.
«Minuli try hady, tysiačy palitviaźniaŭ za kratami, ale my praciahniem zmahacca, pakul Biełaruś nie stanie volnaj», — skazaŭ adzin z arhanizataraŭ akcyi salidarnaści ŭ Biełastoku, aktyvist biełaruskaj dyjaspary Jan Abadoŭski.
Akcyja prachodziła pad nahladam palicyi, incydentaŭ padčas jaje nie było.
Z Rasijaj Biełaruś budzie tolki kałonijaj, a pieramoha Ukrainy daść šaniec. Što havaryli pra jeŭrapiejskuju budučyniu na kanfierencyi «Novaja Biełaruś 2023»
«Naša zadača vyrvać Biełaruś z rasijskaj arbity. I pravieści dekałanizacyju Biełarusi» — Cichanoŭskaja
Kavaleŭski raskazaŭ i pakazaŭ, što ź siabie budzie ŭjaŭlać biełaruski alternatyŭny pašpart
Ciapier čytajuć
Da «Dnia narodnaha adzinstva» pamiłavali 25 čałaviek4
Kamientary
i (ci) pierajdzi na movu