Pravaabarončy resurs Mayday team na padstavie svaich krynic paviedamiŭ, što ranicaj 28 lipienia ŭ siabie doma byŭ zatrymany historyk, były dyrektar Muzieja historyi Mahilova Alaksiej Baciukoŭ. Pryčyny zatrymańnia nieviadomyja.
Raniej Baciukova zatrymlivali ŭ 2020 hodzie za «ŭdzieł u niesankcyjanavanym masavym mierapryjemstvie». Tady sud pryznačyŭ jamu štraf.
U studzieni 2021 hoda z Alaksiejem Baciukovym, jaki na toj momant zajmaŭ pasadu dyrektara Muzieja historyi Mahilova, nie praciahnuli pracoŭnaha kantrakta.
Kali vy viedajecie bolš, pišycie redaktaru «Našaj Nivy» ŭ TH, na [email protected] ci [email protected].
Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy sa źviestak z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu.
Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia nie mienš za 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ i adkinutyja navat samyja bazavyja normy zakonnaści i marali.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary