U Biełaruś z akupavanaha Danbasa było vyvieziena try tysiačy dziaciej
U Biełaruś pad vyhladam «azdaraŭleńnia» vyvieźli try tysiačy ŭkrainskich dziaciej. Pra heta zajaviŭ u sieradu pastajanny pradstaŭnik Ukrainy pry AAN Siarhiej Kiślica na pasiadžeńni Rady Biaśpieki pa abmierkavańni abstrełaŭ histaryčnaha centra Adesy i partovaj infrastruktury, paviedamlaje «Ukrinform».
Zhodna sa słovami Siarhieja Kiślicy, dziaciej «padviarhajuć antyŭkrainskaj indaktrynacyi i prapahandzie, nakiravanaj na pryščepku nianaviści da Ukrainy, jaje movy, kultury i historyi».
17 sakavika Mižnarodny kryminalny sud u Haazie vydaŭ ordar na aryšt Uładzimira Pucina i dziciačaha ambudsmiena Maryi Lvovaj-Białovaj za niezakonnuju departacyju dziaciej z akupavanych terytoryj Ukrainy ŭ RF.
19 lipienia ministr zamiežnych spraŭ Ukrainy Dźmitryj Kuleba zaklikaŭ Mižnarodny kryminalny sud u Haazie vydać ordar na aryšt hienieralnaha sakratara Biełaruskaha tavarystva Čyrvonaha Kryža (BČK) Dźmitryja Šaŭcova, jaki ŭ efiry telekanała «Biełaruś 1» pryznaŭsia, što arhanizacyja biare ŭdzieł u vyvazie dziaciej z Ukrainy.
23 lipienia hienieralny prakuror Ukrainy Andrej Kościn paviedamiŭ ab pačatku rasśledavańnia ŭ suviazi z udziełam BČK u pieramiaščeńni ŭkrainskich dziaciej na terytoryju Biełarusi.
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary