Kiraŭnik Biełaruskaha Čyrvonaha Kryža, jaki zaśviaciŭsia z Z-simvolikaj, raskazaŭ, što robić na Danbasie
Niadaŭna Dźmitryj Šaŭcoŭ naviedaŭ Danbas i źjaviŭsia pierad kamierami z Z-simvolikaj. Ciapier u siužecie BT jon raskazvaje, što robić u hetaj pajezdcy.
Hienieralny sakratar Biełaruskaha Čyrvonaha Kryža Dźmitryj Šaŭcoŭ kaža, što jaho «da hłybini dušy» aburyła, kali biełaruskija ŭłady abvinavacili ŭ vyvazie dziaciej z Ukrainy.
«Jany pryjazdžajuć na azdaraŭleńnie. I Biełaruski Čyrvony Kryž braŭ, biare i budzie brać u hetym aktyŭny ŭdzieł», — zajaviŭ Šaŭcoŭ.
Taksama jon dadaŭ, što razam z fondam Tałaja jany «robiać usio, kab dzieci zabylisia pra žachi vajny».
«Ja razumieju, što hetyja abvinavačańni rana ci pozna buduć vykazanyja ŭ tym liku Biełaruskamu Čyrvonamu Kryžu. I prosta dla taho, kab pierakanacca, kab pierakanać usich, ja sieŭ u mašynu, u najbližejšy kanvoj, jaki arhanizoŭvaŭ Alaksiej Tałaj, i pryjechaŭ siudy», — kaža jon.
Šaŭcoŭ zajaŭlaje, što jany stajać na zachavańni humannych kaštoŭnaściaŭ.
«My dapamahajem usim, chto maje patrebu ŭ dapamozie», — śćviardžaje jon.
Pry hetym Čyrvony Kryž nie naviedvaje palitviaźniaŭ u kałonijach, choć maje takuju mahčymaść: pradstaŭnica tavarystva Ina Lemiašeŭskaja ŭvachodzić u skład Respublikanskaj hramadskaj naziralnaj kamisii pry Ministerstvie justycyi.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m63
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1212
Kamientary