«Mabyć, pamianialisia abstaviny, i ankiety stali pierahladać». Źjavilisia novyja padrabiaznaści pra anulavańnie litoŭskich DNŽ za suviazi z vojskam
Jak raspaviali vydańniu dev.by supracoŭniki kampanii Wargaming, za ich kaleh, jakim anulavali DNŽ u Litvie, zmahajucca jurysty kampanii. Mahčyma, rašeńnie mihracyjnaj słužby atrymajecca admianić. Tym časam vyśvietliłasia, što krynicaj prablem moža stać nie tolki raniejšaja słužba ŭ vojsku pa kantrakcie, ale i atrymańnie ŭ svoj čas vajskovaj adukacyi.
Paviedamleńnie pra anulavańnie dazvołaŭ na pracu niekatoryja supracoŭniki Wargaming atrymali na minułym tydni. U kampanii padazrajuć, što pryčyna hetaha — raniejšaja słužba ŭ biełaruskim vojsku pa kantrakcie.
Miž tym čytačam dev.by viadoma i pra inšyja vypadki anulavańnia DNŽ za suviaź z «vajenkaj» u dačynieńni da hramadzian Biełarusi i Rasii.
«U mianie jość znajomy, były epamaviec, u jakoha adabrali DNŽ z-za vajskovaj adukacyi, — raskazała čytačka dev.by. — U jaho vypadku heta vielmi ŭdała supała z tym, što jon źbiraŭsia viartacca ŭ Rasiju, tamu anulavańnie nie było dla jaho vielmi «balučym». Praŭda, śledam za hetym pajšła zabarona na ŭjezd u ES na piać hadoŭ, i voś heta ŭžo było niepryjemna.
Viedaju jašče dva kiejsy: heta zvyčajnyja biełarusy, jakija pracavali ŭ Litvie na prostych rabotach — taksistam i kimści nakštałt budaŭnika / elektryka. Pry hetym taksist žyŭ u Litvie ŭžo kala troch hadoŭ. U abodvuch anulavali DNŽ z-za słužby pa kantrakcie. Adzin ź ich zmoh vyjhrać sud, i rašeńnie ab anulavańni admianili. Čym skončyłasia druhaja historyja, nie viedaju».
Čytačka miarkuje, što źviestki pra suviaź z vojskam abo «vajenkaj» słužby biaśpieki biaruć z ankiet inšaziemcaŭ. Maŭlaŭ, raniej na hetyja źviestki zapluščvali vočy, a ciapier abstaviny źmianilisia.
«Znajomy eks-epamaviec vajskovuju adukacyju sam paznačyŭ u ankiecie, jakuju zapaŭniaŭ pry padačy paŭtara hoda tamu. Tady heta nie było padstavaj dla admovy. A mnohija supracoŭniki Wargaming pierajechali ŭ Vilniu našmat raniej. Mabyć, pamianialisia abstaviny, i ankiety stali pierahladać».
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary