Hramadstva99

Zamiena pašparta za miažoj. Što možna zrabić i ŭ jakija terminy

Za apošnija try hady ź Biełarusi ŭ inšyja krainy źjechała kala 200-250 tysiač čałaviek, dla mnohich ź ich zamiena pašparta za miažoj stała aktualnym pytańniem. Adnak ciapier zapisacca na padaču dakumientaŭ u Polščy i Litvie niaprosta.

Chto moža zamianić abo adnavić pašpart za miažoj?

Hramadzianie Biełarusi, jakija stała pražyvajuć za miažoj, majuć prava zamianić pašpart u krainie pastajannaha pražyvańnia. Kali havorka idzie pra dakumienty sieryi RR (pašpart hramadzianina RB, jaki pastajanna pražyvaje pa-za miežami Biełarusi), to dakumient možna nie tolki abnavić, ale i adnavić, kali vy jaho raptam zhubicie.

Ułaśniki pašpartoŭ unutranych sieryj mohuć atrymać novy pašpart za miažoj, tolki kali majuć na rukach stary. Kali dakumient budzie zhubleny, to zrabić novy možna budzie tolki ŭnutry Biełarusi.

Kab mieć mahčymaść zamianić pašpart u pasolstvie abo konsulstvie, treba stać tam na konsulski ŭlik.

Varšava — zapis na nastupny hod

Samyja vialikija čerhi na zamienu pašparta — u biełaruskim pasolstvie ŭ Varšavie.

Kali pačać zapisvacca ciapier, to možna trapić na padaču tolki ŭ sakaviku 2024 hoda. To-bok tolki praz 8 miesiacaŭ. Sam novy pašpart u teoryi musić być hatovy ŭžo praz try miesiacy. Ale, jak pakazvaje praktyka, terminy mohuć zaciahnucca. Niekatoryja biełarusy čakajuć novy dakumient pa 4-6 miesiacaŭ ad momantu padačy.

Žančyna, jakaja padała dakumienty na atrymańnie novaha pašparta jašče ŭ pieršych čysłach sakavika, dzielicca, što dahetul jaho nie atrymała, choć u pasolstvie kazali, što pryblizna praz try miesiacy śviežy pašpart užo musić być u Varšavie. «Prajšło ŭžo bolš za čatyry miesiacy, a nijakich źviestak. Dazvanicca ŭ pasolstva, kab daviedacca pra status dakumienta, nie atrymlivajecca», — pryznajecca žančyna.

Krychu chutčej možna zapisacca na zamienu pašparta ŭ biełaruskija konsulstvy ŭ Biełastoku i Biełaj Padlascy. Tam zvyčajna zapis na padaču idzie na 2-3 miesiacy napierad. Pa terminach vydačy taksama ad troch miesiacaŭ z momantu padačy.

Karystalniki admysłovych čataŭ, dzie biełarusy abmiarkoŭvajuć žyćcio ŭ Polščy, adznačajuć, što ŭ ciapierašnich umovach pra zamienu pašparta treba kłapacicca nie paźniej čym za hod-paŭtara da momantu zaviaršeńnia dziejańnia biahučaha dakumienta.

Jość alternatyva

Kali atrymać novy biełaruski pašpart nie atrymlivajecca, to ŭ biełarusaŭ, jakija žyvuć u Polščy i majuć tam VNŽ, jość mahčymaść atrymać polski prajazny dakumient inšaziemca, jaki zamienić biełaruski pašpart. Z takim dakumientam možna budzie vyjazdžać za miežy Polščy ŭ inšyja krainy.

Važna, što zhodna z abnoŭlenym zakanadaŭstvam, atrymać polski prajazny dakumient mohuć biełarusy ź lubym dazvołam na žycharstva niezaležna ad padstaŭ, na jakich jon byŭ vydadzieny. Taksama dla jaho atrymańnia ciapier nie treba budzie dakazvać, što čałaviek nie moža viarnucca ŭ Biełaruś, kab tam zrabić sabie pašpart.

Taksama taki dakumient budzie dastupny tym biełarusam, jakija naradzilisia pa-za miežami Biełarusi i nikoli nie mieli biełaruskaha pašparta.

Jak situacyja ŭ Litvie?

U Vilni prosta ciapier zapisacca na zamienu pašparta niemahčyma, bo ŭsie daty raśpisanyja da kanca vieraśnia. U vieraśni abiacajuć pačać zapis na kastryčnik.

Letaś situacyja z zamienaj pašparta ŭ biełaruskaj ambasadzie ŭ Vilni vyhladała tak: čałaviek, jaki zapisaŭsia ŭ ambasadu na pačatku žniŭnia, zmoh padać dakumienty na novy pašpart tolki praz čatyry miesiacy — u kancy listapada. «Novy pašpart byŭ hatovy ŭ siaredzinie sakavika hetaha hoda. U vyniku, ad momantu zapisu ŭ čarhu da atrymańnia novaha pašparta syšło amal 8 miesiacaŭ», — kaža biełarus.

Inšy biełarus taksama padavaŭsia ŭ minułym listapadzie, ale, kaža, jaho novy pašpart dahetul nie hatovy.

U Litvie taksama jość mahčymaść atrymać miascovy prajazny dakumient, jaki moža zamianić biełaruski pašpart. Ale atrymać jaho mohuć nie ŭsio, jak pa abnoŭlenym polskim zakanadaŭstvie, a tolki tyja biełarusy, jakija majuć status uciekača.


Kamientary9

  • Mafkees
    20.07.2023
    U mienia davno niet pasporta RB,let 15 kak. I nohi mojej nikohda nie budiet v łukašenkovskoj ambasadie, pusť svoi pasporta siebie votknut v odno miesto.
  • Helge
    20.07.2023
    A jak u Amierycy?
  • Vad
    20.07.2023
    Tiema v staťje nie raskryta połnosťju. V niej hovoritsia tolko pro Polšu i Litvu, no pro eti strany i tak informacii očień mnoho. No biełorusy živut nie tolko v etich stranach. Rasskazali by chotia by pro ostalnyje strany ES, pro Hruziju, Ukrainu

Ciapier čytajuć

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Usie naviny →
Usie naviny

«Prapanavaŭ hrošy». Biełaruska raspaviała, jak KDB sprabavaŭ jaje vierbavać1

Iranskija rakiety zabili 5 čałaviek u Izraili, bolš za 80 paranienyja. Celi byli vypadkovyja2

«U naš čas u Chrysta była b žoŭtaja birka». Były palitviazień Alaksandr Tarasienka raspavioŭ pra svoj dośvied za kratami2

«Uratavali zatory». Studentka spaźniłasia na fatalny rejs Air India usiaho na 10 chvilin, i jaje nie puścili na bort3

Ajatała Chamieniei: Izrail adkaža za hetyja ataki3

Vyrašyŭ praskočyć pierakryžavańnie na vialikaj chutkaści i ledź nie źbiŭ dzicia2

«Da hetaha času nie vieru, što vyžyŭ». Raspovied adzinaha vyžyłaha ŭ katastrofie samalota Air India, jaki raźbiŭsia ŭ Achmiedabadzie

Chłopca, jaki ŭ Lebiedzievaj beściŭ Jeŭropu, asudzili za ŭdzieł u pratestach i ŭchileńnie ad vojska6

Łukašenka zapatrabavaŭ ad vajskoŭcaŭ vynajści cud-mašynu dla baraćby z dronami9

bolš čytanych navin
bolš łajkanych navin

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Hałoŭnaje
Usie naviny →

Zaŭvaha:

 

 

 

 

Zakryć Paviedamić