Biełarusam z dazvołam na žycharstva ŭ Polščy spraścili atrymańnie polskich prajaznych dakumientaŭ
Biełarusy, jakija žyvuć u Polščy na padstavie dazvołu na žycharstva, zmohuć atrymać polskija prajaznyja dakumienty dla inšaziemca biaspłatna. Heta vynikaje sa źmienaŭ u zakanadaŭstva, jakija ŭstupili ŭ siłu z 1 lipienia 2023 hoda, jak paviedamlaje «Radyjo Svaboda».
Ciapier biełaruskich hramadzian u Polščy vyzvalajuć ad apłaty za vydaču polskaha prajaznoha dakumienta dla inšaziemca (ciapier jaho košt składaje 350 złotych, heta prykładna 85 dalaraŭ) u adpaviednaści z «Pastanovaj ministra ŭnutranych spraŭ i administracyi ad 28 červienia 2023 hoda ab hramadzianstvie».
Admiena apłaty nie abmiežavanaja niejkim terminam i budzie aktualnaj da taho času, pakul dziejničaje zhadanaja vyšej pastanova. Kali chtości padaŭ zajavu i zrabiŭ apłatu, ale dakumient nie zrabili da 1 lipienia, hrošy jamu viernuć.
Asnoŭnyja źmieny:
- ciapier prajazny dakumient inšaziemca buduć vydavać biełarusam ź lubym časovym dazvołam na žycharstva, niezaležna ad padstaŭ jaho atrymańnia;
- taki dakumient zmohuć atrymać tyja biełarusy, u jakich naohuł niama biełaruskaha pašparta (najpierš heta tyčycca biełaruskich dziaciej, jakija naradzilisia ŭ Polščy i baćki jakich nie mohuć pajechać na radzimu i aformić im dakumienty);
- biełarusaŭ pazbavili abaviazku dakazvać, što jany nie mohuć atrymać novy pašpart ad biełaruskich uładaŭ.
Polski prajazny dakumient zamianiaje pašpart pry padarožžach u inšyja krainy.
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary