Беларусам з дазволам на жыхарства ў Польшчы спрасцілі атрыманне польскіх праязных дакументаў
Беларусы, якія жывуць у Польшчы на падставе дазволу на жыхарства, змогуць атрымаць польскія праязныя дакументы для іншаземца бясплатна. Гэта вынікае са зменаў у заканадаўства, якія ўступілі ў сілу з 1 ліпеня 2023 года, як паведамляе «Радыё Свабода».
Цяпер беларускіх грамадзян у Польшчы вызваляюць ад аплаты за выдачу польскага праязнога дакумента для іншаземца (цяпер яго кошт складае 350 злотых, гэта прыкладна 85 даляраў) у адпаведнасці з «Пастановай міністра ўнутраных спраў і адміністрацыі ад 28 чэрвеня 2023 года аб грамадзянстве».
Адмена аплаты не абмежаваная нейкім тэрмінам і будзе актуальнай да таго часу, пакуль дзейнічае згаданая вышэй пастанова. Калі хтосьці падаў заяву і зрабіў аплату, але дакумент не зрабілі да 1 ліпеня, грошы яму вернуць.
Асноўныя змены:
- цяпер праязны дакумент іншаземца будуць выдаваць беларусам з любым часовым дазволам на жыхарства, незалежна ад падстаў яго атрымання;
- такі дакумент змогуць атрымаць тыя беларусы, у якіх наогул няма беларускага пашпарта (найперш гэта тычыцца беларускіх дзяцей, якія нарадзіліся ў Польшчы і бацькі якіх не могуць паехаць на радзіму і аформіць ім дакументы);
- беларусаў пазбавілі абавязку даказваць, што яны не могуць атрымаць новы пашпарт ад беларускіх уладаў.
Польскі праязны дакумент замяняе пашпарт пры падарожжах у іншыя краіны.
Цяпер чытаюць
«Лена 20 рублёў» узялася за старое: знакамітая махлярка зноў разводзіць даверлівых беларусаў3
Каментары