Prezident Ukrainy zajaviŭ, što Krymski most dla Ukrainy jość zakonnaj mišeńniu, bo pa im akupanty pieravoziać zbroju. Pavodle słoŭ Zialenskaha, jon pavinien być «niejtralizavany».
«Meta — viarnuć uvieś Krym, bo heta naša suvierennaja terytoryja… Kierčanski most nie niejkaja maleńkaja łahistyčnaja daroha. Jon vykarystoŭvajecca dla dastaŭki bojeprypasaŭ i militaryzacyi Krymskaha paŭvostrava. Dla nas zrazumieła, što hety varožy abjekt, pabudavany za miežami mižnarodnaha prava, tamu zrazumieła, što heta naša cel, i lubaja cel, jakaja niasie vajnu, a nie mir, pavinna być niejtralizavanaja», — cytuje Zialenskaha «Ukrainskaja praŭda».
Zialenski taksama padkreśliŭ, što kontrnastupleńnie Ukrainy prasoŭvajecca pavolniej, čym čakałasia, bo apieracyja pačałasia paźniej, čym płanavałasia. «Praz toje, što my pačali krychu paźniej… heta dało Rasii čas zaminiravać usiu našu ziamlu i pabudavać niekalki linij abarony», — skazaŭ Zialenski.
Prezident Ukrainy zajaviŭ, što, niahledziačy na ciažkaści, Ukraina ruchajecca napierad.
«My nie chacieli tracić našych ludziej, našy kadry i našych vajskoŭcaŭ, my nie chacieli tracić techniku i tamu dosyć aściarožna stavilisia da nastupalnych dziejańniaŭ. Ja b skazaŭ, što my nabližajemsia da momantu, kali adpaviednyja dziejańni mohuć nabrać temp, bo my ŭžo prachodzim praź niekatoryja miescy, dzie jość miny, i raźminirujem hetyja rajony».
Pad ranicu 17 lipienia «kiraŭnik» akupavanaha Kryma Siarhiej Aksionaŭ paviedamiŭ, što na Krymskim moście adbyłosia «nadzvyčajnaje zdareńnie», u suviazi z čym ruch pa moście spynieny. Rasijskija telehram-kanały paviedamili, što na moście «ŭpaŭ» pralot.
Krynicy «Ukrainskaj praŭdy» paviedamili, što načnaja ataka na Krymski most była śpiecapieracyjaj SBU i Vajskova-marskich sił. Adznačałasia, što most atakavali z dapamohaj nadvodnych dronaŭ. Paźniej viersiju ab dvuch nadvodnych bieśpiłotnikach ahučyła i RIA «Novosti» sa spasyłkaj na Nacyjanalny antyterarystyčny kamitet RF.
Uładzimir Pucin paabiacaŭ, što Rasija adpomścić za ŭdar pa Krymskim moście.
Ciapier čytajuć
Łukašenka patłumačyŭ, čamu jaho nie vidać pa sieradach i subotach11
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary