Vienhry pajšli nasustrač Jančeŭskamu i pahadzilisia stvaryć prakładku dla kampanij PVT — krynicy
Svojeasablivuju prakładku dla rezidentaŭ Parku vysokich technałohij stvaryli ŭ Abjadnanych Arabskich Emiratach. Heta robicca dla palahčeńnia supracoŭnictva kampanij ź biełaruskaj prapiskaj sa svaimi kontrahientami z zachodnich krain, dzie spažyvajucca IT-pasłuhi. Jak stała viadoma «Našaj Nivie», da arabskaj prakładki dadajecca jašče adna.
Pra chutkuju mahčymaść pracavać praź Vienhryju «Našaj Nivie» paviedamili kiraŭniki IT-kampanij.
Dypłamatyčnaja zasłuha prypisvajecca Jančeŭskamu.
«Jak by tam ni było ŭ Emiratach, ale heta ŭsio roŭna vielmi sumnieŭnaja jurysdykcyja, ź jakoj prystojnyja kampanii nie vielmi chočuć pracavać. Emiraty — heta jak Armienija, jak Kipr. A mieć mahčymaść prymać płaciažy ŭ krainie ES — heta ŭžo lepš», — skazaŭ nam adzin z top-mieniedžaraŭ.
Infarmacyja pra mahčymaść pracavać cieraz prakładki niepubličnaja i raspaŭsiudžvajecca kułuarna.
Bolšaść vialikich biełaruskich kampanij i tak majuć mahčymaść adkryć ofisy i rachunki ŭ krainach ES, nie prybiahajučy da pasłuh kiraŭnictva PVT.
Tamu patreba ŭ takich prakładkach nievidavočnaja, jany mohuć być aktualnymi dla nievialikich hulcoŭ.
Sama ž patreba vynikaje ź situacyi na rynkach: praz uskładnieńni finansavych adnosin pamiž biełaruskimi bankami i bankami jeŭrapiejskich krain uźnikajuć ciažkaści ŭ apłacie pasłuh tych kampanij, jakija zastajucca ŭ Biełarusi, pracujučy pry hetym na zachodnija rynki.
Płanujecca, što praz prakładki ŭ Arabskich Emiratach i Vienhryi zachodni zamoŭca budzie płacić nie ŭ takuju taksičnuju jurysdykcyju, jakoj ciapier ličycca biełaruskaja, a na rachunki prakładki. A ŭžo potym hetyja hrošy buduć traplać u Biełaruś. Imavierna, u valucie, adroznaj ad valuty prychodu.
Čytajcie taksama:
Jančeŭski stvaraje ŭ Emiratach finansavuju prakładku dla rezidentaŭ PVT
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie48
Kamientary
Navialikija hulcy ŭžo znajšli šlachi pastaŭki eur.
Naŭradci chto ŭ zdarovym rozumie z PVT kampanij pojdzie prasicca da Jančeŭskaha. Chutčej Jančeŭski mucić pad kahoś ź siamji schiemu.