Biełaruska źbirajecca bałatavacca ŭ polski Siejm, kab baranić pravy inšaziemcaŭ
Biełaruskaja aktyvistka Jana Šostak abviaściła pra svoj udzieł u vosieńskich vybarach u polski Siejm. Pra heta jana zajaviła padčas fiestyvalu «Tutaka», jaki prajšoŭ u hetyja vychadnyja na Biełastoččynie i na jaki źjechalisia tysiačy biełarusaŭ, piša Most.
Bałatavacca ŭ parłamient biełaruska budzie ad Partyi «Zialonyja», jakaja ŭvachodzić u apazicyjnuju «Hramadzianskuju kaalicyju». Ciapier Jana čakaje zaćviardžeńnia jaje kandydatury ad kaalicyi.
«Chaču zajmacca intehracyjnaj i mihracyjnaj palitykaj u Polščy, być hołasam pryjezdžych. Kab chtości moh adstojvać pravy, a heta lepš za ŭsio rabić znutry Siejma. Viedaju, jakija jość prablemy ŭ inšaziemcaŭ u Polščy, i chaču im dapamahčy. Ja chaču być hołasam biełaruskaj mienšaści, a taksama biełaruskich uciekačoŭ ź Biełarusi, Ukrainy i inšych krain», — patłumačyła svaje namiery i matyvy Jana Šostak.
Jana Šostak naradziłasia ŭ Hrodnie. Ciapier joj 30 hadoŭ, ale z 17-hadovaha ŭzrostu dziaŭčyna žyvie ŭ Polščy i maje polski pašpart. Apošnija try hady jana dapamahaje biełaruskim i ŭkrainskim uciekačam u Polščy.
Šostak viadomaja svaimi akcyjami i pierformansami. Samaja viadomaja jaje akcyja — «Chvilina kryku dla Biełarusi», jakuju jana praviała kala pradstaŭnictva Jeŭraparłamienta ŭ Polščy dla taho, kab palityki źviarnuli ŭvahu na prablemy ŭ Biełarusi.
U 2022 hodzie biełaruska stała pieramožcaj prestyžnaha polskaha konkursu «Pašpart «Palityki». Taksama z pačatkam vajny va Ukrainie biełaruska aktyŭna dapamahała ŭkrainskim uciekačam na polska-ŭkrainskaj miažy.
Aktyvist Ilja Dabratvor: Ja vyrašyŭ viarnucca ŭ Biełaruś u nastupny paniadziełak. Vaskrasienski skazaŭ, što ŭsio budzie dobra
«Hałoŭny pryncyp — nie bajacca rabić pamyłki». Biełarusy ŭ emihracyi raskazali, jak dajuć sabie rady z vyvučeńniem moŭ
«My paciarpieli ad pierajezdaŭ nie mienš, čym darosłyja». Biełaruskija padletki, jakija emihravali z baćkami, robiać padkast pra takich, jak sami
Kamientary