NATA zhadała ŭ svaim kamiunikie pra rolu Biełarusi, PVK «Vahnier» i jadziernuju zbroju
Na sajcie NATA apublikavali kamiunikie samitu lidaraŭ krain Aljansu ŭ Vilni. U im znajšli adlustravańnie nie tolki pytańni šlachu Ukrainy ŭ NATA i dapamohi joj, ale i inšyja pytańni, u tym liku biełaruskaje.
«Vajskovaja intehracyja Rasii ź Biełaruśsiu, jakaja pahłyblajecca, u tym liku razhortvańnie pieradavych rasijskich vajskovych mahčymaściaŭ i asabovaha składu ŭ Biełarusi maje nastupstvy dla rehijanalnaj stabilnaści i abarony Aljansu. NATA budzie zachoŭvać pilnaść i budzie dalej uvažliva adsočvać raźvićcio padziej, asabliva patencyjnaje raźmiaščeńnie tak zvanych pryvatnych vajskovych kampanij u Biełarusi. Zaklikajem Biełaruś spynić złamysnuju dziejnaść suprać jaje susiedziaŭ, pavažać pravy čałavieka i asnoŭnyja svabody i vykonvać mižnarodnaje prava», — adznačajecca ŭ kamiunikie.
Taksama Biełaruś razam ź Iranam zaklikajuć admovicca ad dapamohi Rasii ŭ jaje ahresiŭnaj palitycy:
«My zaklikajem usie krainy nie akazvać nijakaha sadziejničańnia rasijskaj ahresii i asudžajem usich, chto aktyŭna spryjaje vajnie Rasii. Padtrymka Biełarusi adyhrała važnuju rolu, bo jana praciahvaje davać svaju terytoryju i infrastrukturu, kab rasijskija siły mahli atakavać Ukrainu i praciahvać rasijskuju ahresiju. U pryvatnaści, Biełaruś, a taksama Iran pavinny spynić svaju dapamohu Rasii i viarnucca da zachavańnia mižnarodnaha prava».
Taksama lidary krain NATA asudzili namier Rasii raźmiaścić jadziernuju zbroju ŭ Biełarusi.
NATA aficyjna pahadziłasia prybrać Płan dziejańniaŭ pa členstvie dla Ukrainy, ale jašče nie daść zaprašeńnia — Stołtenbierh
Uładzimir Zialenski prybyŭ u Vilniu na samit
«Kali ŭ budučyni Biełaruś skaža NATA «tak», jak ukraincy kažuć ciapier, to i dla Biełarusi nie budzie inšaha šlachu» — eks-ministr abarony Litvy
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary