Uvodziać rehulavańnie taryfaŭ na ŭsie stamatałahičnyja pasłuhi
Saviet Ministraŭ pryniaŭ pastanovu ab rehulavańni cen na stamatałahičnyja pasłuhi. Jana ŭstupaje ŭ siłu z 1 listapada 2023 hoda.
«Z metaj pavyšeńnia cenavaj dastupnaści płatnych stamatałahičnych pasłuh dla nasielnictva pastanovaj Savieta Ministraŭ Respubliki Biełaruś ad 6 lipienia 2023 h. №442 «Ab źmianieńni pastanovy Savieta Ministraŭ Respubliki Biełaruś ad 17 studzienia 2014 h. №35» uvodzicca rehulavańnie taryfaŭ na ŭsie vidy stamatałahičnych pasłuh», — paviedamiła Ministerstva achovy zdaroŭja.
Ciapier, pavodle hetaha paviedamlańnia, ministerstvam «pravodzicca praca pa aktualizacyi normaŭ času i normaŭ raschodu materyjałaŭ na płatnyja miedycynskija pasłuhi pa stamatałohii, a taksama raźliku hraničnych maksimalnych taryfaŭ na hetyja pasłuhi», — havorycca ŭ paviedamleńni.
Taksama na sajcie Ministerstva achovy zdaroŭja paviedamlajecca, što ciapier dziejničaje cenavaje rehulavańnie na artapiedyčnyja i zubatechničnyja stamatałahičnyja pasłuhi, ale «pry hetym na siońniašni dzień nie achoplenyja rehulavańniem terapieŭtyčnyja, chirurhičnyja, artadantyčnyja stamatałahičnyja pasłuhi».
Kamientary