Zdaroŭje

Novaje adkryćcio moža sadziejničać lačeńniu starečaj demiencyi i chvaroby Parkinsana

Daśledavańni na myšach i prymatach pakazali, što injekcyi białku klotho palepšyli pamiać hetych žyviołaŭ. Heta moža stać krokam na šlachu da kliničnaha lačeńnia takich niejradehienieratyŭnych zachvorvańniaŭ, jak chvaroby Alchiejmiera, Parkinsana, raśsiejany skleroz dy inšych.

Makak-rezus Macaca mulatta Makak-riezus
Makaki-rezus. Fota: gettyimages.com

Paharšeńnie myśleńnia i pamiaci pry stareńni — surjoznaja bijamiedycynskaja prablema. Vučonyja ŭžo šmat dziesiacihodździaŭ šukajuć sposaby lačeńnia takich zachvorvańniaŭ, jak chvaroby Alchiejmiera, Parkinsana i raśsiejany skleroz. Adnak pośpiechi pakul vielmi niaznačnyja.

Hrupa vučonych vyrašyła pravieryć uździejańnie białku klotho na kanhnityŭnyja funkcyi prymataŭ. Pra vyniki svajho daśledavańnia jany raskazali ŭ časopisie Nature Aging.

Białok klotho jašče nazyvajuć «faktaram daŭhalećcia». Svaju nazvu jon atrymaŭ ad hrečaskaj bahini Kłato, jakaja tkała nitku žyćcia. Hety białok udzielničaje ŭ rehulacyi abmienu rečyvaŭ, abaronie ad aksidantnaha stresu i stareńnia.

Jaho tranśmiembrannaja forma dapamahaje harmonam kantralavać uzrovień fosfaru i vitaminu D u arhaniźmie. A rastvaralny białok, jaki traplaje ŭ kroŭ, dziejničaje jak endakrynny faktar. Uzrovień klotho źnižajecca z hadami, a taksama pry niejradehienieratyŭnych zachvorvańniach.

Papiarednija daśledavańni na myšach pakazali, što injekcyja klotho moža praciahnuć žyćcio žyvioł i pavysić sinapsičnuju płastyčnaść — zdolnaść kantralavać suviaź pamiž niejronami ŭ złučeńniach, jakija nazyvajucca sinapsami. Novaje daśledavańnie, praviedzienaje ŭžo na prymatach, prademanstravała taki ž efiekt.

Daśledavańnie ŭklučała testavańnie kahnityŭnych zdolnaściaŭ starych makak-rezusaŭ (Macaca mulatta), jakim było ŭ siarednim 22 hady, da i paśla adnarazovaj injekcyi klotho. Dla hetaha daśledčyki vykarystali prosty test pravierki prastoravaj pamiaci: małpy pavinny byli zapomnić miesca znachodžańnia prysmaku, schavanaha daśledčykami na ich vačach u adnu ź niekalkich jamak.

Taki test možna paraŭnać z uspaminam pra toje, dzie my pakinuli svaju mašynu na aŭtastajancy, ci z adnaŭleńniem paśladoŭnaści likaŭ za paru chvilin paśla taho, jak jaje pačuli. Takija zadačy z uzrostam dajucca ŭsio ciažej.

Małpy pakazali značna lepšyja vyniki ŭ hetych testach paśla ŭviadzieńnia klotho. Da injekcyj jany identyfikavali pravilnyja jamki prykładna ŭ 45% vypadkaŭ, paśla injekcyi hety pakazčyk skłaŭ prykładna 60%. Palapšeńnie pamiaci zachoŭvałasia nie mienš za dva tydni.

Vučonyja adznačyli, što taki efiekt byŭ dasiahnuty pry nizkaj dozie preparatu (10 mkh/kh). Pavyšeńnie dozy ŭ dva i try razy nijak nie paŭpłyvała na vyniki.

Daśledčyki adznačajuć, što da hetaha času niezrazumieła, jak kankretna injekcyja klotho akazvaje taki ŭpłyŭ na mozh i čamu jon tak doŭha praciahvajecca. Sam białok nie moža trapić z kryvi da mozhu. Kab raskryć miechanizm upłyvu, nieabchodnyja novyja daśledavańni, jakija dapamohuć vyznačyć, jakija pramiežkavyja źviony zadziejničanyja ŭ hetym pracesie.

Uličvajučy blizkaść hienietyki i fizijałohii prymataŭ i ludziej, vialikaja imaviernaść užyvańnia takoha mietadu dla lekavańnia kahnityŭnych rasstrojstvaŭ u čałavieka. Ale vyrašalnaje značeńnie dla realizacyi kliničnaha patencyjału klotho budzie mieć raskryćcio miechanizma jaho ŭździejańnia.

Čytajcie jašče:

Pieršy za 20 hadoŭ preparat ad chvaroby Alchiejmiera. ZŠA ŭchvalili preparat adukanumab

Nazvana pryčyna chvaroby Parkinsana

Navukoŭcy ŭpieršyniu vylečyli nastupstvy demiencyi

Kamientary

Ciapier čytajuć

U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym8

U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym

Usie naviny →
Usie naviny

«Heta nie samy pryvabny varyjant». Što dumajuć biełarusy pra ŭviadzieńnie Hruzijaj trochhadovaha DNŽ dla ajcišnikaŭ2

Tramp nie źbirajecca padpisvać zajavu G7 pa pytańni izrailska-iranskaha kanfliktu

Čamu rasijanie addali ŭkraincam cieły zabitych, a tyja — nie?7

Kolkaść vakansij u Biełarusi ŭ 54 razy bolšaja, čym zarehistravanych biespracoŭnych1

Dla ahrasiadzib rychtujuć novyja abmiežavańni2

Biełarusaŭ papiaredzili pra vizavuju pastku pry naviedvańni Sierbii i Čarnahoryi2

Mierc kateharyčna suprać pasiarednictva Pucina na Blizkim Uschodzie2

Maładuju vykładčycu anhlijskaj movy asudzili za ŭdzieł u pratestach4

MUS Ukrainy: Rasija razam ź ciełami ŭkrainskich vajskoŭcaŭ pieradaje i rasijskich1

bolš čytanych navin
bolš łajkanych navin

U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym8

U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym

Hałoŭnaje
Usie naviny →

Zaŭvaha:

 

 

 

 

Zakryć Paviedamić