Paśla razmovy z prezidentam Ukrainy Uładzimiram Zialenskim u niadzielu prezident ZŠA Džo Bajden płanuje nieŭzabavie pravieści jašče adnu telefonnuju razmovu z ukrainskim lidaram.
Pra heta padčas bryfinhu ŭ paniadziełak, 26 červienia, zajaviŭ kaardynatar Rady nacyjanalnaj biaśpieki Biełaha doma Džon Kirbi, jak paviedamlaje «Jeŭrapiejskaja praŭda».
Kirbi adznačyŭ, što paśla razmovy z prezidentam Zialenskim u niadzielu ŭ Bajdena nie było jašče adnych pieramovaŭ ź im.
«Ale, jak vy čuli, prezident skazaŭ, što jon raźličvaje znoŭ pahavaryć z prezidentam Zialenskim vielmi i vielmi skora. I, viadoma ž, my abjavim vam pra heta, kali heta adbudziecca, jak my zaŭsiody heta robim», — skazaŭ Kirbi.
Papiaredniaja razmova Bajdena i Zialenskaha adbyłasia 25 červienia. U joj prezidenty abmierkavali kontrnastup i sprobu buntu ŭ RF.
Pavodle źviestak krynic telekanała, padčas buntu «Vahniera» sajuźniki na roznych uzroŭniach źviartalisia da ŭkrainskich čynoŭnikaŭ, adhavorvajučy ad naniasieńnia ŭdaraŭ pa terytoryi Rasii padčas buntu.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary