Kali vy dumali, što śvinina i bulba — heta vyjhryšnaja kambinacyja, prosta pakaštujcie śvininu ŭ spałučeńni ź višniaj.
Fota: Getty Images
Dla śvinych adbiŭnych ź višniovym sousam vam spatrebicca:
- 4 śvinyja adbiŭnyja, pažadana na kostcy, taŭščynioj nie mienš za 2,5 sm
- 1 st. ł. zdrobnienaha śviežaha razmarynu
- 1 č. ł. soli, plus jašče trochi dla padliŭki
- 1 č. ł. śviežazmołataha čornaha piercu, plus jašče trochi dla padliŭki
- 1 č. ł. drobna naciortaha časnaku
- 3 st. łyžki śmietankovaha masła
- 1 st. ł. zdrobnienaj cybuli šałot
- 1 šklanka višań, biez chvościkaŭ i kostačak, razrezanych napałovu
- ½ šklanki fruktovaha čyrvonaha vina
Jak hatavać:
- Absušycie adbiŭnyja i natrycie sumieśsiu razmarynu, soli, piercu i časnaku. Nakryjcie i pakińcie marynavacca da 2 hadzin pry pakajovaj tempieratury abo na noč u chaładzilniku (u druhim vypadku pierad hatavańniem znoŭ daviadzicie adbiŭnyja da pakajovaj tempieratury).
- Nahrejcie hryl i pastaŭcie rašotku prykładna za 10 sm ad krynicy ciapła. Hatujcie adbiŭnyja na samaj haračaj častcy ahniu, pakul jany dobra nie absmažacca z abodvuch bakoŭ — prykładna pa 3-4 chviliny z kožnaha boku. Potym pasuńcie ich u bolš prachałodnuju častku hryla, nakryjcie viečkam i smažcie da hatoŭnaści — ad 1 da 10 chvilin u zaležnaści ad siły ahniu i taŭščyni adbiŭnych. Śvinina hatovaja, kali jana stanovicca ćviordaj navobmacak, jaje sok źlohku ružavieje, a miasa stanovicca ružovym u centry, ci kali termomietr ź imhniennym sčytvańniem pakazvaje 135 hradusaŭ u samaj toŭstaj častcy adbiŭnoj. Potym pierakładzicie adbiŭnyja na talerku, niaščylna nakryjcie aluminijevaj folhaj i pakińcie na niekatory čas, pakul hatujecie sous.
- Pakładzicie 1 stałovuju łyžku śmietankovaha masła ŭ patelniu na siaredni ahoń. Kali spadzie piena, dadajcie cybulu-šałot i hatujcie da miakkaści, 2-3 chviliny. Dadajcie višniu, vino; varycie, pieryjadyčna pamiešvajučy, pakul vadkaść nie pieratvorycca ŭ husty sirop, 5-6 chvilin. Dadavajcie jašče 2 stałovyja łyžki masła patrochu, pakul jano nie źmiašajecca z padliŭkaj. Zapraŭcie sollu i piercam. Palicie adbiŭnyja sousam i padavajcie.
Bolš receptaŭ:
Hryl — heta nie tolki abvuhlenyja kaŭbaski. Padborka niebanalnych receptaŭ
«Nabirała vadu z unitaznaha bačka dla hatavańnia, myćcia». Hanna Bond ščyra raspaviała pra ciažkaje dziacinstva13
Kamientary