«Pahroza realnaja». Bajden zajaviŭ, što Pucin sapraŭdy moža prymianić taktyčnuju jadziernuju zbroju
Padobnyja słovy prezidenta ZŠA hučać na fonie pieramiaščeńnia rasijskaj jadziernaj zbroi ŭ Biełaruś.
Zajavu pra rasijskuju taktyčnuju jadziernuju zbroju Džo Bajden zrabiŭ u paniadziełak padčas sustrečy sa sponsarami svajoj vybarčaj kampanii ŭ Kalifornii, paviedamiła ahienctva Reuters. Na dumku prezidenta ZŠA, padobnyja słovy časam prymušajuć słuchačoŭ ličyć Bajdena «varjatam».
«Kali ja dva hady tamu i na hetym ža samym miescy kazaŭ, što raka Kałarada moža pierasochnuć, usie na mianie hladzieli, jak na varjata. Mienavita taki ž pohlad ja sustrakaju, kali kažu, što pahroza prymianieńnia Pucinym taktyčnaj jadziernaj zbroi realnaja», — skazaŭ Bajden.
Nahadajem, što raniej Bajden adznačaŭ, što pieramiaščeńnie rasijskaj jadziernaj zbroi ŭ Biełaruś — «absalutna biezadkazny» ŭčynak.
U toj ža čas pradstaŭniki ŭrada i vajskovaj vyviedki Ukrainy śćviardžajuć, što ničoha surjoznaha padobnaje pieramiaščeńnie jadziernaj zbroi ŭ Biełaruś nie niasie.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary