Biełarus, što staŭ najlepšym bambardziram čempijanatu Małdovy, praciahnie karjeru ŭ Izraili
Dzianis Kazłoŭski pierajšoŭ z kišynioŭskaha «Zimbru» ŭ «Makabi» z Kiryjat-Hata, što budzie vystupać u druhim dyvizijonie futbolnaha čempijanatu Izraila.
U minułym siezonie za «Zimbru» Kazłoŭski pravioŭ 33 matčy va ŭsich turnirach, u jakich adznačyŭsia 23 zabitymi miačami i zrabiŭ vosiem halavych pieradačaŭ.
Dzianis patłumačyŭ svoj sychod z «Zimbru» adstaŭkaj biełaruskaha treniera Aleha Kubarava, a taksama tym, što ŭ kłubie marudzili ź pierazaklučeńniem kantraktu.
«Makabi» — kłub ambicyjny. Da taho ž adnym z najvažniejšych faktaraŭ stała toje, što kantrakt prapanoŭvali nie na hod, a na dva. Akramia taho, kali jany na mianie vyjšli, akreślili mety i zadačy kamandy. Ja vyvučyŭ, što heta za horad. Dla mianie važna, kab možna było pierajechać i kamfortna žyć ź siamjoj, kab vadzić dačku ŭ dobry dziciačy sadok pobač», — raskazaŭ Dzianis žurnalistam.
Jamu zadali pytańnie, ci nie pałochaje jaho piermanientny vajenny kanflikt na Blizkim Uschodzie.
«Ciapier, kali tak padumać, nidzie nie biaśpiečna. Viadoma, hetyja niuansy ja taksama ŭličvaŭ, razhladajučy prapanovy i varyjanty. Uzvažvaŭ usio za i suprać. Kali raskazvali, jak mianie bačyć trenierski štab, skazali i pra toje, što na poŭdni Izraila ŭsio spakojna. Ale ŭ cełym, paŭtarusia, u śviecie niestabilnaja abstanoŭka: dzie b ty ni znachodziŭsia, nielha adčuvać siabie ŭ poŭnaj biaśpiecy», — adkazaŭ Dzianis Kazłoŭski.
Čempijanat Izraila ŭ druhim dyvizijonie startuje ŭ siaredzinie žniŭnia.
-
Łatvijskaja tenisistka budzie vystupać za Biełaruś, u jaje 808‑ie miesca ŭ rejtynhu
-
«Mnie zdavałasia, što žyćcio zakančvajecca, a ŭ jaho ŭ 70 hadoŭ było poŭna płanaŭ». Čempijonka śvietu pa frystajle Ramanoŭskaja pra Kazieku
-
Kryścina Cimanoŭskaja i Maryja Žodzik zdabyli miedali na čempijanacie Jeŭropy pa lohkaj atletycy
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary