Švied adkazaŭ na pytańnie, što budzie, kali sud pryznaje vinavatym pamierłaha
Biełaruskija sudy ciapier zmohuć sudzić i miortvych, kali sprava tyčycca hienacydu, vajennych złačynstvaŭ i jašče šeraha artykułaŭ. Heta praduhledžvajecca prajektam zakona «Ab źmienie Kryminalna-pracesualnaha kodeksa». Ale što budzie, kali pamierłaha pryznajuć vinavatym?
Hienieralny prakuror Andrej Švied siońnia vystupiŭ u Pałacie pradstaŭnikoŭ Nacyjanalnaha schodu na razhladzie hetaha zakonaprajekta.
Źviartajučysia da parłamientaryjaŭ, Andrej Švied skazaŭ, što «złačynstvy suprać miru, biaśpieki čałaviectva i vajennyja złačynstvy, u tym liku hienacyd, nie majuć terminaŭ daŭnaści. U metach zabieśpiačeńnia pryncypu niepaźbiežnaści adkaznaści, zychodziačy ź dziaržaŭnych i hramadskich intaresaŭ, Hienieralnaj prakuraturaj raspracavany zakonaprajekt, jaki praduhledžvaje mahčymaść viadzieńnia pa kryminalnych spravach hetaj katehoryi ŭ dačynieńni da pamierłych asob niezaležna ad zhody ich blizkich svajakoŭ».
Jon raskazaŭ, što śledčy pa spravie pavinien budzie pryniać miery, kab znajści blizkich svajakoŭ pamierłaha abvinavačanaha i paviedamić im ab pravie pradstaŭlać intaresy pamierłaha.
Niemahčymaść znajści svajakoŭ nie pieraškodzić rasśledavańniu.
U vypadku dakazanaści vinavataści pamierłaha sud vynosić abvinavaŭčy pryhavor biez naznačeńnia pakarańnia (artykuł 356 KPK).
Kamientary
pri Kol no )