Na pastaŭkach ałkaholnaha napoju Aperol zarablaje Kiraŭnictva spravami Łukašenki
Pastaŭkami ŭ Biełaruś italjanskaha ałkaholnaha napoju Aperol, jaki ŭ našaj krainie nie pradavali amal piać hadoŭ, zajmajecca «Biełaruśhandal», jak vyśvietliŭ BRC. Ekskluziŭnaje prava pradavać napoj atrymała sietka WINE & SPIRITS.
«Jon ekskluziŭna pradajecca ŭ sietcy našych mahazinaŭ u abjomie 0,7 i litr. 0,7 — 46,9 rubla, litr — 64,9 rubla. Zabaroniena było z 2017 hoda. A ciapier na rynku Biełarusi my adzinyja pastaŭščyki. Chutčej za ŭsio, z nastupnaha miesiaca jon budzie dastupny ŭ pryncypie ŭsiudy ŭ roźnicy. Ale pakul ekskluziŭna ŭ našych kramach», — raskazali žurnalistam-rasśledavalnikam u adnoj z kramaŭ sietki.
Italjanski biter źnik z palic biełaruskich kram u 2017 hodzie, pakolki ŭ im utrymlivaŭsia zabaronieny sintetyčny farbavalnik E110, pisali miedyja.
Ciapier u biełaruskim rejestry niebiaśpiečnaj pradukcyi Dziaržstandartu zhadak ab zabaronie Aperol žurnalisty nie znajšli.
Farbavalnik, jak vyśvietliŭ BRC, usio jašče prysutničaje ŭ składzie Aperol. Heta pakazvajecca i na etykietcy napoju. Pry hetym da inšych tavaraŭ, dzie ŭtrymlivajecca Je110, u Dziaržstandartu źjaŭlajucca pytańni, naprykład da arachisu, vocatu abo cukierak.
Žurnalistu BRC u viedamstvie nie zmahli patłumačyć, čamu napoj znoŭ źjaviŭsia ŭ prodažy.
Na etykietcy Aperol zhadvajecca, što ałkahol u Biełaruś pastaŭlaje «Biełaruśhandal». Kampanija naležyć Kiraŭnictvu spravami Łukašenki, jakoje da 2021 hoda ŭznačalvaŭ paplečnik Łukašenki Viktar Šejman. Svaju pradukcyju kampanija ŭ tym liku pradaje roznym dziaržstrukturam — ad škoł da vajskovych častak.
Ahulnaja suma atrymanych «Biełaruśhandlem» dziaržkantraktaŭ za try hady ź lišnim pieravysiła 2 młn biełaruskich rubloŭ.
Chto moh zarabić miljony na mihracyjnym kryzisie na miažy Biełarusi i ES?
Minabarony Biełarusi vydzieliła rekordnyja 3,1 młn rubloŭ na zakup bieśpiłotnikaŭ «Supierkam». Takija ž madeli Rasieja vykarystoŭvała va Ukrainie
Jak biełaruskija kliniery zarabili dziasiatki miljonaŭ jeŭra ŭ Biełarusi, Rasiei i Ukrainie i za što ich sudziać u Łatvii
Kamientary