U Hiermanii biełarus zahinuŭ, vučačy dziaŭčynu płavać na voziery
U niamieckaj ziamli Saksonija ŭ vyniku incydentu na voziery Šładzicer-Zeje pamior 33-hadovy biełarus. Pra heta paviedamlaje sajt «Biełaruś i śviet» sa spasyłkaj na niamieckija miedyja.
Trahiedyja adbyłasia 4 červienia. Niadzielnym dniom u nievialikaj zatocy pad nazvaj Šładzicer-Bucht znachodzilisia sotni ludziej, bo było cudoŭnaje nadvorje.
Kala 14:30 adna z kupalščyc, 26-hadovaja ŭkrainka, paklikała na dapamohu. Ludzi vyciahnuli jaje na bierah. Akazaŭšysia ŭ biaśpiecy, žančyna paviedamiła, što była ŭ vadzie razam sa svaim siabram-biełarusam. Chłopiec chacieŭ navučyć jaje płavać, ale ŭ niejki momant sam pajšoŭ na dno.
Ratavalniki chutka znajšli cieła mužčyny, padniali jaho z hłybini kala troch mietraŭ i pačali reanimacyjnyja mierapryjemstvy. Na vyratavalnym viertalocie prylacieŭ i doktar. Adnak, niahledziačy na ŭsie namahańni, biełarus nieŭzabavie pamior u balnicy.
Prakuratura pryniała rašeńnie pravieści aŭtapsiju, bo adnosna pryčyn, jakija vyklikali trahiedyju, jość sumnievy.
Žonka Statkieviča raskazała, pra što paśpieła parazmaŭlać ź im13
Kamientary