Sałaŭjoŭ zaklikaŭ pasadzić Hirkina, a Hirkin — Pryhožyna. Rasijskija prapahandysty šukajuć adkaz na pytańnie, chto vinavaty
U kołach rasijskich prapahandystaŭ na fonie niaŭdač na ŭkrainskim froncie i navat usio bolš zaŭvažnaha prychodu vajny na terytoryju Rasii abvastrajecca ŭzajemnaja varožaść i ŭnutryvidavoje zmahańnie. Prytym vykazvańni robiacca ŭsio bolš rezkimi i radykalnymi.
Viadomy prapahandyst Uładzimir Sałaŭjoŭ u adnym sa svaich apošnich efiraŭ nakinuŭsia na Ihara Hirkina-Strałkova, jaki, choć sam paśladoŭna trymajecca impieryjalistyčnych i antyŭkrainskich pohladaŭ, pastajanna krytykuje Kreml za «niapravilnaje», na jahonuju dumku, viadzieńnie vajny, nie spyniajučysia i pierad piersanalnymi napadkami na vysokich čynoŭnikaŭ.
«Jaki-niebudź błohier atrymlivaje realny termin za dyskredytacyju armii, a niejki miarzotnik, jaki ličyć siabie vajskoŭcam, moža nieści što zaŭhodna. Ale ŭ vyniku rašeńnia Haahskaha suda tut jon stanovicca niedatykalnym. Jon siadzieć pavinien daŭno za dyskredytacyju armii!» — skazaŭ Sałaŭjoŭ.
Sam Hirkin heta vykazvańnie nie prapuściŭ i prakamientavaŭ jaho, nazvaŭšy svajho kandydata na aryšt za «dyskredytacyju armii»:
«Nie, nu ŭsio pravilna. Strałkoŭ — jon dyskredytuje. A Jaŭhien Viktaravič Pryhožyn — dvojčy sudzimy recydyvist, haspadar vializnaha vojska najmitaŭ, mińjony jakoha nazyvajuć armiju «pietuškami» — jon nie, jon — «uvieś u biełym». Razumieć treba!»
Čytajcie taksama:
Čamu Markaŭ nie Sałaŭjoŭ. Čym adroźnivajecca biełaruskaja i rasijskaja prapahanda
Pryhožyn zajaviŭ, što Rasija «abasrałasia», a «ŭkraincy adny z najmacniejšych u śviecie
Hirkina-Strałkova paśla danosu praviarajuć nakont dyskredytacyi rasijskaj armii
Kamientary