Pamiatajecie buntaŭščyka, jaki zakinuŭ nohi na stoł padčas šturmu Kapitolija? Jamu dali 4,5 hoda kałonii
Ryčard Barnet dałučyŭsia da prychilnikaŭ prezidenta Trampa, jakija sprabavali pieraškodzić siertyfikacyi vynikaŭ vybaraŭ 2020 hoda. Fotazdymak ź im staŭ adnym z samych viadomych padčas šturmu Kapitolija 6 studzienia 2021 hoda.
Žychar Arkanzasa zakinuŭ nohi na pracoŭny stoł śpikierki Pałaty pradstaŭnikoŭ Nensi Pełosi ŭ jaje kabiniecie, paśla taho jak jon dałučyŭsia da natoŭpu, jaki šturmavaŭ Kapitolij u 2021 hodzie. Ciapier jaho prysudzili da čatyroch z pałovaj hoda turmy.
Richard Barnett, also known as "Bigo," was convicted by a jury in January of eight charges, including civil disorder. He was sentenced to 4.5 years https://t.co/UWjbcRkYzk pic.twitter.com/F5mtLp1qNE
63-hadovy Ryčard Barnet adkinuŭsia ŭ kreśle, pakłaŭšy nohi na pracoŭny stoł demakrata Pełosi, kali jaho sfatahrafavaŭ karespandent AFP.
Zdymak staŭ adnoj z samych viadomych fatahrafij ataki na Kapitolij 6 studzienia 2021 hoda.
Barnet dałučyŭsia da prychilnikaŭ prezidenta Donalda Trampa, jakija šturmavali Kanhres, kab sarvać pracu zakanadaŭčaha orhana, jaki sabraŭsia, kab siertyfikavać pieramohu Džo Bajdena na prezidenckich vybarach, nahadvaje «Hołas Amieryki».
Kalehija prysiažnych u Vašynhtonie pryznała Barneta vinavatym pa vaśmi punktach, uklučajučy pieraškodu siertyfikacyi vynikaŭ vybaraŭ Kanhresam, niezakonnaje praniknieńnie ŭ Kapitolij i parušeńnie paradku z užyvańniem niebiaśpiečnaj zbroi — elektrašokiera, zamaskiravanaha pad kij.
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo17
Minčanka Anhielina, jakaja prasiła ŭ Łukašenki kvateru za trojniu, atrymała žyllo
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary