U HUR Ukrainy prakamientavali padziei ŭ Biełharodskaj vobłaści Rasii
Metaj apieracyi pradstaŭnik vajskovaj raźviedki Andrej Jusaŭ nazvaŭ «stvareńnie pałasy biaśpieki dla abarony cyvilnych ukraincaŭ».
«Padziei ŭ Biełharodskaj vobłaści i inšych prymiežnych terytoryjach — śledstva poŭnamaštabnaha ŭvarvańnia i ahresiŭnaj vajny pucinskaj Rasii suprać Ukrainy. Tak, adkaznaść za hetyja padziei ŭziali na siabie hramadzianie RF, a mienavita siły RDK i lehijona «Svaboda Rasii». Ja dumaju, što my ŭsie tolki možam pavitać rašučyja dziejańni apazicyjna nastrojenych hramadzian Rasii, jakija hatovyja da ŭzbrojenaj baraćby sa złačynnym režymam Pucina», — cytuje pradstaŭnika HUR «Hromadśkie».
Hubiernatar Biełharodskaj vobłaści Viačasłaŭ Hładkoŭ paćvierdziŭ u telehram-kanale, što na terytoryju vobłaści zajšli dyviersanty.
Lehijon «Svaboda Rasii» i Ruski dobraachvotnicki korpus zajavili, što «vyzvalili» nasieleny punkt Kazinka Biełharodskaj vobłaści. Taksama paviedamlałasia pra ŭvachod «pieradavych atradaŭ» u horad Hrajvaran.
Rasijski pablik SHOT paviedamlaŭ pra nibyta «žorstki boj z ukrainskaj DRH» na miažy Biełharodskaj vobłaści kala vioski Dronaŭka.
«Z abodvuch bakoŭ pryciahnuta vajskovaja technika, u niebie zaŭvažana niekalki dronaŭ. Pracuje SPA», — pisaŭ kanał.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary