U internecie skłali top samych varjackich žanočych piersanažaŭ anime. U śpis trapiła dziaŭčyna ź imiem Biełaruś
«Jana fanatyčna zakachanaja ŭ svajho starejšaha brata Rasiju i zastajecca ź im navat tady, kali ŭsie astatnija ad jaho adviarnulisia».
Bujny anhłamoŭny hulniavy partał Game Rant 20 maja skłaŭ top-20 najlepšych žanočych piersanažaŭ «Jandere» (ad japonskich słoŭ yanderu — «chvory na hałavu», i deredere — «zakachany») — hierojaŭ anime, jakija źniešnie źjaŭlajucca miłymi i pryhožymi, a na spravie tojać fanatyčnyja i naviaźlivyja dumki ŭ dačynieńni da tych, u kaho zakachanyja.
U hety śpis šalonych hieraiń patrapiła dziaŭčyna pa imieni Biełaruś — adna ź piersanažaŭ japonskaha anime-sieryjała «Chietalija i krainy vosi», usie hieroi jakoha źjaŭlajucca stereatypnym uvasableńniem niekalkich dziasiatkaŭ isnujučych krain śvietu.
Pavodle siužeta sieryjała, Biełaruś fanatyčna zakachanaja ŭ svajho starejšaha brata pa imieni Rasija i nie pakidaje jaho navat tady, kali ad Rasii advaročvajucca ŭsie astatnija piersanažy-krainy.
«Biełaruś całkam apantanaja svaim starejšym bratam Rasijaj i choča vyjści za jaho zamuž. Rasija ž u svaju čarhu takoha kachańnia ŭ adkaz nie prajaŭlaje i ličyć dziaŭčynu krychu varjatkaj. Navat kali pa siužecie ŭsie astatnija piersanažy-krainy pakidajuć Rasiju, Biełaruś praciahvaje zastavacca ź im, majučy da jaho vielmi niezdarovyja pačućci», — piša partał Game Rant.
Akramia hetaha, u sieryjale havorycca, što Biełaruś na ŭsie vypadki žyćcia nosić pry sabie nož i vykarystoŭvaje jaho «navat u samych niaznačnych situacyjach». Taksama dziaŭčyna luta raŭnuje Rasiju da ŭsich inšych krain, asabliva da svajoj siastry Ukrainy.
Charakterna, što hety sieryjał vyjšaŭ jašče bolš za 10 hadoŭ tamu, kali jašče było praktyčna niemahčyma ŭjavić poŭnamaštabnuju vajnu va Ukrainie, jakaja litaralna adšturchnie ŭvieś śviet ad zavadataraŭ ahresii, Rasii i Biełarusi, pakinuŭšy ich sam-nasam, jak u siužecie adnoj ź sieryj.
Hurt «Pietla Pristrastija» zaśpiavaŭ pa-biełarusku
ChatGPT, Bing i Alisa: jakaja ź niejrasietak lepiej vałodaje biełaruskaj movaj i razumieje naš kantekst? Teścim
«My budziem pierahladać svaje zapisy pa miery mahčymaściaŭ». Amierykanskaja ŭstanova adkazała na biełaruski zapyt adnosna źmieny podpisaŭ pra pachodžańnie mastakoŭ
Ciapier čytajuć
«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7
Kamientary