Kitaj upieršyniu prahałasavaŭ za rezalucyju, dzie Rasija nazvanaja ahresaram
Hałasavańnie pa rezalucyi Hienieralnaj asamblei AAN było jašče 26 krasavika, ale ŭ miedyja na jaho źviarnuli ŭvahu tolki siońnia.
Rezalucyja tyčyłasia supracoŭnictva AAN z Radaj Jeŭropy. Ale ŭtrymlivała šerah krytyčnych farmulovak pra Rasiju.
U dakumiencie pišacca pra «biesprecedentnyja vykliki», ź jakimi sutyknułasia Jeŭropa paśla ahresii Rasii suprać Ukrainy. Zhadvajecca i raniejšaja ahresija Rasii suprać Hruzii. U rezalucyi kažacca taksama, što treba kampiensavać škodu achviaram ahresii i pryciahvać da adkaznaści tych, chto vinavaty ŭ parušeńni normaŭ mižnarodnaha prava.
Jaje padtrymali 122 krainy. U tym liku Kitaj, jaki raniej ustrymlivaŭsia ŭ takich pytańniach. «Za» byli i Armienija z Kazachstanam.
Biełaruś tradycyjna prahałasavała suprać. Suprać taksama byli Rasija, Nikarahua, Siryja i Paŭnočnaja Kareja.
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary