Kitaj zajaviŭ, što nie budzie pradavać zbroju nivodnamu boku ŭ rasijska-ŭkrainskaj vajnie
Ministr zamiežnych spraŭ Kitaja Ciń Han zajaviŭ 14 krasavika, što Piekin nie budzie pradavać zbroju bakam kanfliktu va Ukrainie i budzie rehulavać ekspart tavaraŭ dvajnoha pryznačeńnia, piša «Radyjo Svaboda».
Han adreahavaŭ na zaniepakojenaść ZŠA i inšych krain nakont taho, što Kitaj, mahčyma, razhladaje mahčymaść akazańnia vajskovaj dapamohi Rasii, jakuju Piekin padtrymlivaje ŭ palityčnym i rytaryčnym płanie, aficyjna zajaŭlajučy pra svoj niejtralitet:
«Što da ekspartu vajskovaj pradukcyi, to Kitaj prytrymlivajecca aściarožnaha i adkaznaha padychodu», — zajaviŭ Ciń Han na sumiesnaj pres-kanferencyi ź ministarkaj zamiežnych spraŭ Hiermanii Analenaj Bierbak.
«Kitaj nie budzie pastaŭlać zbroju bakam kanfliktu i taksama budzie kiravać i kantralavać ekspart tavaraŭ dvajnoha pryznačeńnia ŭ adpaviednaści z zakonami i praviłami», — dadaŭ jon.
Ciń Han taksama paćvierdziŭ hatoŭnaść Kitaja sadziejničać pieramovam pa mirnym urehulavańni kanfliktu i zajaviŭ, što ŭsie baki pavinny zastavacca «abjektyŭnymi i spakojnymi».
Ciapier čytajuć
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie30
Kamientary