Pra płany pasialić biełaruskich zubroŭ u Baškartastanie paviedamiŭ pradstaŭnik hetaj respubliki pry rasijskim handlovym pradstaŭnictvie ŭ Biełarusi Kanstancin Klimin. Pavodle jaho słoŭ, navukoŭcy ŭžo raspracavali prahramu adaptacyi žyvioł i vybrali dla ich miesca dla žyćcia — Muradymaŭskuju ciaśninu.
«Praviedziena vialikaja praca, padrychtavana ŭsia dakumientacyja pa patrebnych normach utrymańnia čyrvanaknižnych žyvioł. Navukovaja supolnaść padrychtavała płan dziejańniaŭ, jakim čynam možna było b adaptavać papulacyju biełaruskich zubroŭ u Baškartastanie», — cytuje Klimina rasijskaje ahienctva Sputnik.
Užo ŭ mai ŭ Baškartastan płanujuć dastavić piać asobin, a ŭ vieraśni — trynaccać. Rasijski bok taksama raźličvaje, što dalejšaje skryžavańnie dapamoža dadatkova vyvieści toj vid, jaki budzie najbolš adaptyŭny da ŭmoŭ siaredniaj pałasy Rasii.
Biełaruś pahadziłasia pieradać Baškartastanu niekalki asobin zubroŭ u siaredzinie studzienia, kali ŭ Minsk ź vizitam pryjazdžaŭ kiraŭnik hetaha rehijona Radzij Chabiraŭ. Papiarednija kansultacyi pakazali, što baškirskija ŭmovy biełaruskim žyviołam padychodziać.
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary