U Biełaviežskaj puščy skončyli zimovy ŭlik zubroŭ: na pačatak hoda kolkaść statka skłała 730 asobin — na 27 bolš, čym letaś. Takaja infarmacyja apublikavanaja na aficyjnym sajcie Nacyjanalnaha parku.
Pracajomkija raboty vialisia ŭ studzieni-sakaviku z dapamohaj aptyčnych srodkaŭ nazirańniaŭ i mietadam fatahrafavańnia z kvadrakoptara. Vyniki śviedčać, što tendencyja štohadovaha pavieličeńnia kolkaści zubroŭ u Biełaviežskaj puščy zachoŭvajecca.
Na praciahu 2022 hoda tut naradziłasia 103 cialaci. Bolšuju častku zubrynaha statka (51,2%) składajuć darosłyja samki (starejšyja za 3,5 hoda) — ich naličyli 374. Piatuju častku (21%) — maładniak ad paŭtara da 3,5 hoda. Darosłych samcoŭ naličana 100 asobin (13,7%).
Papulacyja pa-raniejšamu raźmierkavana pa piaci asnoŭnych terytaryjalnych hrupoŭkach. Samy šmatliki statak znachodzicca ŭ paŭdniovaj častcy puščy (Suchapolskaje, Šarašeŭskaje, Jasieńskaje, Pašukoŭskaje, Karalova-Mastoŭskaje laśnictvy) — tam pražyvaje 323 zubry. Paŭdniova-zachodniuju hrupoŭku (Bialanskaje, Dźmitravickaje laśnictvy) utvarajuć 134 žyvioły. Paŭnočna-ŭschodniuju (Navadvorskaje, Porazaŭskaje laśnictvy) — 142 asobiny. Mienš za ŭsio zubroŭ naličvajecca ŭ centralnaj (Chvojnickaje laśnictva) i paŭnočnaj (Śvisłackaje laśnictva) častkach puščy — 67 i 56 asobin adpaviedna.
Akramia taho, 8 zubroŭ utrymlivajucca ŭ ekskursijnych valjerach.
U polskaj častcy Biełaviežskaj puščy na pačatak 2023 hoda naličvałasia 829 zubroŭ, u tym liku 138 cialat.
-
U Hłybockim rajonie zaŭvažyli abłoki, padobnyja da vymieni. Što za jany?
-
«Viartajciesia, kali daraściacie». Adzin z samych darahich restaranaŭ Minska šakuje svajoj kamunikacyjaj
-
Ajcišnica, jakaja viarnułasia z emihracyi, pachvaliłasia, što idzie vystupić na ANT — u kamientarach adkryŭsia partał u piekła
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie44
Kamientary