Biełaruś atakujuć moški. Viadomy chimik raspavioŭ, jak ad ich ratavacca
Paŭdniovyja rehijony krainy akupavanyja moškami. Asabliva dastajecca Homielskaj vobłaści. Navukoviec Siarhiej Biesarab u svaim kanale piša, jak ratavacca ad maškary, jakaja nazyvajecca hniusam.
Biesarab zapeŭnivaje, što najlepšy varyjant — zrabić sietku Paŭłoŭskaha.
Sietku (šyrynia — 50 sm, daŭžynia — 75 sm, vočki 1 -1,5 sm) z dapamohaj taśmy prymacoŭvajuć da hałaŭnoha ŭboru takim čynam, kab jana pakryvała plečy i śpinu, śpieradu dachodziła da brovaŭ. Sietka pavinna być z naturalnaha vałakna.
Repielenty, jakimi pramočanaja sietka, pry vypareńni stvarajuć vakoł čałavieka achoŭnuju vobłaść, adpužvajučy hnius.
Raspracoŭšyk sietki — entamołah Jaŭhien Paŭłoŭski — vykarystoŭvaŭ dla pramočvańnia sietki takija naturalnyja składy:
- 15 h aptečnaha lizołu (srodak dla dezinfiekcyi), 8 h sasnovaha škipinaru, 77 h vady;
- 10 h biarozavaha dziohciu («maź dla łyž»), 5 h ščołačy (NaOH), 85 h vady;
- 1 h etyłcelułozy (zahuščalnik), 10 h acetonu, 4 h dymietyłftałatu — atrymlivajecca hiel.
Skład dla šmaravańnia sietki:
- 69 h dymietyłftałatu, 20 h stearynu, 7,7 h etyłcelułozy, 3,3 h pčalinaha vosku.
Biesarab taksama dadaje, što sietku možna prosta nacierci dziahciarnym myłam (abo pramačyć rastvoram hetaha myła).
Były ministr kultury Rusłan Čarniecki znajšoŭ sabie padpracoŭku9
Kamientary
heta supier, ale, mabyć varta skłaści bazu ekśpiertaŭ u adpaviednych halinach, dy źviartacca da ich