Ruch «Za Svabodu» ŭ siabie ŭ sacsietkach paviedamiŭ pra śmierć svajho siabra, viciebskaha hramadskaha aktyvista Chrystafora Žalapava. Jon čatyry dni nie dažyŭ da svajho 74-hodździa.
Chrystafor Žalapaŭ byŭ stvaralnikam i kiraŭnikom viciebskaha hramadskaha abjadnańnia «Samakiravańnie i hramadstva». Hetaja arhanizacyja praisnavała bolš za 11 hadoŭ i realna dapamahała miascovym uładam, asabliva rehijanalnym savietam deputataŭ, raźvivać miascovaje ŭpraŭleńnie i samakiravańnie ŭsimi dastupnymi zakonnymi sposabami. Jano było taksama adnym z centraŭ abjadnańnia viciebskaj demakratyčnaj supolnaści.
Jak i sotni inšych hramadskich arhanizacyj, hetaje abjadnańnie ŭ vieraśni 2022 hoda było likvidavanaje režymam Łukašenki.
«Chrystafor Žalapaŭ byŭ hienierataram idej, stvaralnikam i ruchavikom šmatlikich hramadskich inicyjatyŭ Viciebščyny. Sapraŭdnym hramadzianinam, jaki da apošnich dzion dumaŭ nie pra siabie, a pra inšych, hłyboka pieražyvaŭ i prapuskaŭ praź siabie ŭsie niahody, jakija abrynulisia na Biełaruś», — napisali kalehi Žalapava.
«Ad siaredziny 90-ch Chrystafor byŭ lidaram hramadzianskaj supolnaści Viciebščyny, uznačalvaŭ Centr padtrymki hramadskich inicyjatyvaŭ. Dziakujučy jamu viciebski «treci siektar» staŭ adnym z samych raźvitych i cikavych u krainie. Ščyry, razumny, nieabyjakavy, niastomny bałharyn ź biełaruskim sercam», — skazaŭ vydańniu «Pozirk» siabar Žalapava, eks-kandydat u prezidenty i były kiraŭnik Rucha «Za Svabodu» Alaksandr Milinkievič.
Jon upeŭnieny, što imia Žalapava «zastaniecca ŭ historyi zmahańnia za jeŭrapiejskuju volnuju Baćkaŭščynu».
Akramia siabroŭstva ŭ Ruchu «Za Svabodu», Žalapaŭ taksama byŭ siabram Sojmu Partyi BNF.
Raźvitańnie z Chrystaforam Žalapavym adbudziecca 17 maja.
Čytajcie taksama:
U źniavolenaha palityka Mikałaja Kazłova pamierła maci
U kałonii pamior palitviazień — pinski błohier Mikałaj Klimovič
Ciapier čytajuć
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś9
«Paśla Novaha hoda možam apynucca na vulicy». Naviedalisia ŭ šełtar, jaki daje dach nad hałavoj palitviaźniam, vymušanym pakinuć Biełaruś
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1313
Kamientary
Dziakuj Vam Chrystafor za nieabyjakavaść i za słužbu.
Viečnaja pamiać.
Chrystafor
Žalapaŭ --- sapraŭdny Biełarus, razumny
inteliheny dobry Čałaviek! Vielmi
škada.Majo spačauvańnie jahonym svajakam.Ja
«znajšoŭ» jaho (hledziačy ź Miensku) u
1992 h.,kali my stvarali Biełaruski Fond
Padtrymki Demakratyčnych Reformaŭ (Fond
imia Lva Sapiehi)...Jon adrazu pahadziŭsia
uznačalić viciebskuju filiju Fonda.
Dziejničaŭ jon (ź siabrami) sapraŭdy
paśpiachova! Jon byŭ sapraŭdnym Demakratam
i ŭsie svaje vysiłki prykłaŭ dla taho kab
adukavvać hramadzian RB dla dziejnaści
ŭ miascovym samakiravańni, dla Pravoŭ
Čałavieka. Mieravita tamu jon byŭ aktyŭny
ŭ šerahu demakratyčnych arhanizacyj.
Ale nielha nie adzančyć, što jon za svaju
aktyŭnaść mieŭ kryminalny pieraśled
dyktatury. Kaniešnie vielmi heta adbirała
u jaho zdaroŭje. A tyja tatalnyja katavańnia
dyktatury sabodnych ludziej paśla 2020 h.
taksama adbilisia na jahonym zdaroŭje...
Škada vielmi. Jašče adzin sapraŭdny
Biełarus, Demakrat pakinuŭ našyja šerahi.
Ale Biełarusy buduć pamiatać Chrystafora
Žalapava