Biełarus, jakomu nie dali vajavać za Ukrainu, padaŭ u sud na SBU i prajhraŭ
Adzin z sudoŭ Kijeva admoviŭ hramadzianinu Biełarusi, jaki chacieŭ vajavać na baku Ukrainy ŭ składzie biełaruskaha nacyjanalnaha padraździaleńnia, u skasavańni pastanovy Słužby biaśpieki Ukrainy ab prymusovym viartańni ŭ krainu pachodžańnia abo treciuju krainu, zaŭvažyła «Radyjo Svaboda».
Pasiadžeńnie suda prajšło 16 sakavika ŭ zakrytym režymie, ale rašeńnie pa jaho vynikach apublikavali tolki ciapier.
U kastryčniku 2022 hoda Słužba biaśpieki Ukrainy praviała apytańnie hramadzianina Biełarusi z vykarystańniem palihrafa i pa jaho vynikach rekamiendavała jamu pakinuć terytoryju Ukrainy da 23 kastryčnika 2022 hoda. Biełarus, u svaju čarhu, źviarnuŭsia ŭ sud z prośbaj skasavać heta rašeńnie.
U sudovym rašeńni adznačajecca, što padčas apytańnia pry dapamozie palihrafa supracoŭniki SBU atrymali źviestki, jakija śviedčać «ab mahčymym znachodžańni biełarusa ŭ ahienturnym aparacie śpiecsłužbaŭ abo pravaachoŭnych orhanaŭ Biełarusi i vykanańni zadač na škodu nacyjanalnaj biaśpiecy Ukrainy».
«Uličvajučy varožaje staŭleńnie Respubliki Biełaruś da Ukrainy, było prapanavana orhanu vajskovaha ŭpraŭleńnia Uzbrojenych sił Ukrainy admović hramadzianinu Biełarusi ŭ prachodžańni vajskovaj słužby ŭ nacyjanalnych vajskovych farmavańniach Ukrainy, tak jak znachodžańnie hramadzian Biełarusi, jakija skampramietavanyja supracaj z nacyjanalnymi śpiecsłužbami, na terytoryi Ukrainy, stvaraje pahrozu dziaržaŭnaj biaśpiecy», — patłumačyli pradstaŭniki SBU na sudovym pasiadžeńni.
Pa vynikach apytańnia supracoŭniki SBU taksama nibyta vyjavili ŭ biełarusa prykmiety «devijantnych pavodzin» i «dezadaptacyjnyja schilnaści, jakija mohuć uskładnić znachodžańnie hetaj asoby ŭ šerahach Uzbrojenych sił Ukrainy i pryvieści da ciažkich nastupstvaŭ».
Sud paličyŭ, što atrymanaja padčas kontrvyviednaj pravierki infarmacyja śviedčyć ab «učynieńni biełarusam dziejańniaŭ, jakija supiarečać intaresam zabieśpiačeńnia nacyjanalnaj biaśpieki Ukrainy i achovy hramadskaha paradku», i źjaŭlajecca dastatkovaj padstavaj dla prymusovaha viartańnia biełarusa ŭ krainu pachodžańnia ci treciuju krainu.
U apublikavanym sudovym rašeńni, zhodna z zakanadaŭstvam Ukrainy ab achovie piersanalnaj infarmacyi, zamiest proźvišča biełarusa vykarystoŭvajecca farmuloŭka «ASOBA_1».
Letaś u kastryčniku stała viadoma, što z Ukrainy vymušanyja byli vyjechać dva biełaruskija dobraachvotniki — były palitviazień Cichan Klukač i bajec z pazyŭnym «Karyč». Apošniaha SBU nibyta i zapadozryła ŭ supracy z KDB Biełarusi.
Stali viadomyja pryčyny niedavieru da dvuch bajcoŭ «Pahoni». Adzin ź ich sapraŭdy byŭ zavierbavany KDB
«Chto choča vajavać, toj znachodzić mahčymaść». Były palitviazień Klukač dałučyŭsia da pałka «Pahonia»
«Kamandzir pryznačyŭ jamu adekvatnaje pakarańnie». Połk Kalinoŭskaha prakamientavaŭ sychod Klukača
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary