Kačanava prapanavała arhanizoŭvać prytułki dla dziaciej pry manastyrach
Staršynia Savieta Respubliki Natalla Kačanava praviała ŭčora naradu z kiraŭnictvam dziaržaŭnych orhanaŭ i Biełaruskaj pravasłaŭnaj carkvy, paviedamlaje pres-słužba vierchniaj pałaty parłamienta.
Na naradzie abmiarkoŭvałasia pytańnie ab mahčymaści arhanizacyi pry manastyrach prytułkaŭ dla dziaciej, čyje baćki pazbaŭlenyja baćkoŭskich pravoŭ.
«Siońnia ja chaču dać start prajektu, jaki mianie kranuŭ da hłybini dušy. U chodzie majho vizitu ŭ Maskvu my damovilisia sa staršynioj Savieta Fiederacyi Valancinaj Ivanaŭnaj Maćvijenka, što naviedajem Pakroŭski manastyr. Matuška Fieafanija nam pakazała prytułak dla dziaciej, čyje baćki pazbaŭlenyja baćkoŭskich pravoŭ. U Rasii dazvolena pry manastyrach stvarać prytułki. U pryvatnaści, u Pakroŭskim manastyry ŭžo dosyć vialiki dośvied pracy ź dziećmi. Nastupnaja sacyjalizacyja vychavancaŭ prytułku pakazvaje paśpiachovyja vyniki», — adznačyła śpikier, adkryvajučy naradu.
Jak adreahavała kiraŭnictva BPC na inicyjatyvu śpikierki, nie paviedamlajecca.
Kamientary