Jeŭrasajuz prydumlaje, jak uździejničać na krainy, što dapamahajuć abychodzić sankcyi
Jeŭrapiejski sajuz abmiarkoŭvaje novy miechanizm druhasnych sankcyj suprać dziaržaŭ, jakija dapamahajuć abychodzić abmiežavańni. Dla hetaha buduć stvoranyja dva čornyja śpisy — krain-parušalnikaŭ i tych, jakim zabaronieny prodaž tavaraŭ, paviedamlaje Bloomberg.
U ES zaniepakojenyja niedastatkovaj efiektyŭnaściu handlovych abmiežavańniaŭ, uviedzienych u dačynieńni da Rasii, Biełarusi i šerahu inšych dziaržaŭ. Naprykład, impart u Rasiju paŭpravadnikoŭ, intehralnych schiem i inšych technałohij z Kazachstana, AAE, Turcyi i Kitaja paśla ŭviadzieńnia sankcyj vyras u razy.
Tamu čynoŭniki Jeŭrasajuza prydumali taki miechanizm: stvaryć dva śpisy — trecich krain, jakija nie zmohuć abhruntavać vialiki rost pastavak u padsankcyjnyja rehijony, i zabaronienych tavaraŭ. Uvoz hetych tavaraŭ u krainy, jakija parušajuć režym sankcyj, u dalejšym budzie abmiežavany.
Praŭda, unosić krainy i tavary ŭ hetyja śpisy źbirajucca tolki sa zhody ŭsich členaŭ Jeŭrasajuza. Kali ž i hetyja miery nie spracujuć, to ES maje namier uvodzić dla parušalnikaŭ abmiežavańni ŭ dačynieńni da pastavak inšych klučavych tavaraŭ.
Ciapier čytajuć
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu12
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4848
Kamientary