Zabaŭlalny kompleks z vaskovymi fihurami Pucina i Stalina źjaviŭsia ŭ Kryčavie ŭžo druhi raz za niepraciahły termin. Upieršyniu ŭ miascovym parku Pieramohi jon źjaŭlaŭsia ŭ kastryčniku minułaha hoda, a voś ciapier pryjechaŭ znoŭ.
Zabaŭlalny kompleks pryviezieny z Rasii i ŭklučaje ŭ siabie vystavu vaskovych fihur i roznyja dziciačyja karusieli nakštałt mašynak, jakimi možna kiravać, i słonikaŭ, na jakich možna pakatacca, piša «Mahiloŭ.Media».
Asablivuju ŭvahu pryciahvaje vystava vaskovych fihur pad nazvaj «Impieryja» z vyjavaj dvuchhałovaha rasijskaha arła. Na joj siarod inšych pradstaŭlenyja Stalin i Pucin, razam ź inšymi pravadyrami Rasijskaj impieryi i Savieckaha Sajuza.
U horadzie hety «impierski» kompleks budzie znachodzicca ŭvieś travień. Asablivaha ažyjatažu, pavodle rehijanalnaha vydańnia, jon nie vyklikaje.
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu16
Kamientary