«Hrošy ŭtrymajem z adpusknych». Biełaruskim nastaŭnikam prapanoŭvajuć pucioŭki ŭ akupavany Krym
U adnoj sa škoł Navapołacka nastaŭnikaŭ indyvidualna vyklikajuć da dyrektara i nastojliva prapanujuć nabyć pucioŭki ŭ Krym.
Pryčym, jak viadoma «Našaj Nivie», abiacajuć, što hrošy za pucioŭki potym utrymajuć z adpusknych i navat kampiensujuć 30% ich koštu.
Takija prapanovy nastaŭnikam adbyvajucca na fonie zajaŭ ukraincaŭ ab chutkim kontrnastupie, adnym z kirunkaŭ jakoha moža być i Krym. Instrukcyi, jak dziejničać u vypadku vajennych dziejańniaŭ, da prapanovy nie vydajucca.
Ad samaha pačatku akupacyi paŭvyspy la bierahavoj linii pačali raści hateli. Ich kolkaść dasiahnuła amal paŭsotni. A heta kala čatyroch tysiač miescaŭ. Da hetaha treba dadać jašče aficyjna zarehistravanyja 364 abjekty, u jakich taksama raźmiaščajuć turystaŭ. Da taho ž i kolkaść plažaŭ vyrasła z 260 da 455.
Kolki kaštuje pucioŭka ŭ Krym? Zhodna z prejskurantam na sajtach turahienctvaŭ, 14 načej u mai-červieni abydziecca ad 130 da 550 dalaraŭ u zaležnaści ad razradu hatela. Siaredni košt pucioŭki ź pierajezdam, pražyvańniem u hateli z trochrazovym charčavańniem budzie składać prykładna 230 dalaraŭ.
Dla paraŭnańnia: tolki piać dzion u zvyčajnym dvuchpakajovym numary ajčynnaha adnosna tannaha sanatoryja «Narač» abydziecca biełarusam u 242 dalary.
Pucioŭki ŭ Krym dla biełarusaŭ tańniejšyja, čym dla rasijan.
Heta elemient padrychtoŭki da maštabnaha nastupleńnia USU — Humianiuk ab padryvie naftabazy ŭ Krymie
Kiraŭnik HUR Ukrainy Budanaŭ: Jadziernaha ŭdaru paśla deakupacyi Kryma nie budzie, rasijskaja prapahanda ŭžo rychtujecca da jaho straty
U Krymie źbirajucca da leta naładzić čyhunačnaje złučeńnie ź Biełaruśsiu
Ciapier čytajuć
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary