Prarektaru adnoj ź minskich VNU dali čatyry hady kałonii za chabar
Sud Centralnaha rajona Minska 29 krasavika vynies prysud byłomu prarektaru pa administracyjna-haspadarčaj rabocie Biełaruskaha dziaržaŭnaha ŭniviersiteta fizičnaj kultury. Jaho abvinavacili ŭ atrymańni chabaraŭ na ahulnuju sumu 3000 rubloŭ. Pra heta paviedamlaje pres-słužba suda.
U materyjałach suda zhadana, što prarektar damoviŭsia z dyrektarami dźviuch kampanij ab akazańni sadziejničańnia ŭ vybary ich u jakaści padradnych arhanizacyj i zaklučeńni dahavoraŭ budaŭničaha padradu z UA «BDUFK» na vykanańnie budaŭniča-mantažnych i inšych rabot.
Za heta jon atrymaŭ ad dyrektara adnoj firmy chabar na ahulnuju sumu 2630 rubloŭ, a ad dyrektara inšaj kampanii — 400 rubloŭ. Abvinavacili ŭžo byłoha prarektara pavodle č. 1 art. 430 i č. 2 art. 430 (atrymańnie chabaru i atrymańnie chabaru paŭtorna) KK Biełarusi.
Abvinavačany pryznaŭ svaju vinu ŭ poŭnym abjomie i zajaviŭ pra čystasardečnaje raskajańnie. Jaho asudzili da 4 hadoŭ u papraŭčaj kałonii va ŭmovach uzmocnienaha režymu sa štrafam u dachod dziaržavy ŭ pamiery 400 bazavych vieličyń (14 800 rubloŭ).
Prysud suda nie ŭstupiŭ u zakonnuju siłu i moža być abskardžany dy apratestavany va ŭstanoŭlenym zakanadaŭstvam paradku.
Pra zatrymańnie prarektara stała viadoma ŭ sakaviku.
Byłoha načalnika Homielskaha adździaleńnia BČ pryznali vinavatym u karupcyi, ale pakinuli na voli
U Baranavičach pačaŭsia sud nad byłym dyrektaram ptuškafabryki «Družba». Praces zakryty
Stała viadoma, kudy źnik były dyrektar AAT «AHAT — sistemy kiravańnia». Jamu dali 7 hadoŭ kałonii ŭzmocnienaha režymu
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary