U Rasii źniali remiejk biełaruskaha filma «U žniŭni 44-ha» Michaiła Ptašuka
U roli niamieckaha dyviersanta — Alaksiej Kraŭčanka, jaki źniaŭsia ŭ junactvie ŭ filmie «Idzi i hladzi» pra trahiedyju spalenych biełaruskich viosak.
U Rasii napiaredadni Dnia Pieramohi vyjdzie šmatsieryjny film «Apieracyja «Nioman», źniaty pavodle ramana Uładzimira Bahamołava «Momant iściny. U žniŭni sorak čaćviortaha». Heta nie pieršaja ekranizacyja ramana Uładzimira Bahamołava. U 2001 hodzie na ekran vyjšła stužka biełaruskaha režysiora Michaiła Ptašuka «U žniŭni 44-ha…», — nahadvaje «Kamsamolskaja praŭda».
U filmie Ptašuka rolu dyviersanta Miščanki, jaki sa svajoj hrupaj sprabuje pieraškodzić vyrašalnamu nastupu savieckich vojskaŭ, syhraŭ Alaksandr Bałujeŭ. A ŭ novym rasijskim filmie «Apieracyja «Nioman» rola niamieckaha dyviersanta dastałasia Alaksieju Kraŭčanku. Na prezientacyi filma ŭ Maskoŭskim muziei Pieramohi na Pakłonnaj hary akcior raspavioŭ pra toje, jak danieści da maładoha pakaleńnia razumieńnie ŭsiaho žachu vajny.
— Kab zrazumieć hety žach, dastatkova adzin raz pabyvać u Chatyni. Ja šmat razoŭ byŭ u hetaj biełaruskaj vioscy. Pieradać słovami hetyja emocyi nielha, tudy treba źjeździć i ŭsio zrazumieć samomu, — skazaŭ akcior.
Jon zhadaŭ, što pieršy raz pabyvaŭ u Chatyni ŭ 13 hadoŭ, kali rychtavaŭsia da zdymak u filmie Elema Klimava «Idzi i hladzi».
— Chadziŭ adzin, mnie nichto ničoha nie tłumačyŭ, Ja prosta hladzieŭ, — padzialiŭsia Alaksiej.
Film «Idzi i hladzi» vyjšaŭ u 1985 hodzie, da 40-hodździa Pieramohi. U jaho asnovu lahli tvory biełaruskaha piśmieńnika Alesia Adamoviča «Chatynskaja apovieść», «Partyzany», «Karniki» i dakumientalnaja kniha «Ja z vohniennaj vioski…», napisanaja Adamovičam sumiesna ź Jankam Brylom i Uładzimiram Kaleśnikam. «Idzi i hladzi» — heta biaźlitasny i šakujučy film pra złačynstvy, jakija čynili fašysty na akupavanaj terytoryi. Alaksiej Kraŭčanka syhraŭ u im hałoŭnuju rolu — padletka Flory, jaki stanovicca śviedkam žachaŭ nacysckaj karnaj apieracyi.
Čytać taksama:
«Biełaruśfilm» pačaŭ zdymki błokbastara pavodle ramana Karatkieviča
Sieryjał Netflix «Caryca Kleapatra» vyklikaŭ abureńnie ŭ Jehipcie. I voś čamu
«Hościa z budučyni» dla novaha pakaleńnia. Vyjšaŭ pieršy trejler filma «Sto hadoŭ tamu napierad»
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA54
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny44
Kamientary